सडकको दुरावस्थाबारे संसदमा गर्जिए सांसद गिरी

राजनीति

गृहपृष्ठ
राजनीति
सडकको दुरावस्थाबारे संसदमा गर्जिए सांसद गिरी

सडकको दुरावस्थाबारे संसदमा गर्जिए सांसद गिरी

बुधबार, फागुन १०, २०७९ बागेश्वरी पोस्ट

नेपालगञ्ज । दाङ क्षेत्र नम्बर ३ का सांसद, पूर्व मन्त्री एवम् नेपाली कांग्रेसका केन्द्रीय सदस्य दीपक गिरीले लमही-घोराही-तुलसीपुर सडक लामो समय वित्दा पनि पूरा हुन नसकेकोप्रति सरकारको जवाफ मागेका छन् ।

बुधबार प्रतिनिधिसभामा विशेष समय लिएर बोल्दै उनले लमही-घोराही-तुलसीपुर सडक ३० महिनामा सकिने भनिएको भएपनि चार वर्ष हुँदा समेत पूरा नभएको भन्दै सरकार र सडक विभागको जवाफ माग गरेका हुन् । सांसद गिरीले लमही-घोराही-तुलसीपुर सडक समयमै नबन्दा २२ जनाले अकालमा ज्यान गुमाएको भन्दै रोष प्रकट गरे ।

अपेक्षित काम नहुँदा समेत तीन पटक म्याद थपिएको उल्लेख गर्दै उनले सडकको दुरावस्थाकै कारण अकालम २२ जनाले ज्यान गुमाउनुपरेको बताए । ‘त्यो बाटो नबन्दा चार वर्षको दौरानमा त्यो बाटोबाट हिँड्नेहरुमध्ये २२ जनाको मृत्यु भयो’ उनले अगाडि थपे, ‘वर्षामा हिलाम्मे हिउँदमा धुलाम्मे हुन्छ, यसबारे सरकार किन मौन ? यसको जवाफ कसले दिने हो ? सडक विभाग हो कि को हो ? वास्तविक कुरा आउनुपर्यो ।’ उनले भने । यो सडकखण्ड समयमा पूरा नहुँदा जनताले सास्ती खेप्दै आएका छन् ।

प्रकाशित मिति: बुधबार, फागुन १०, २०७९ २१:०८