दशनामी समाज बाँकेमा गोपालप्रसाद गिरीको नेतृत्व

समाचार

गृहपृष्ठ
समाचार
दशनामी समाज बाँकेमा गोपालप्रसाद गिरीको नेतृत्व

दशनामी समाज बाँकेमा गोपालप्रसाद गिरीको नेतृत्व

बुधबार, फागुन १०, २०७९ बागेश्वरी पोस्ट

नेपालगञ्ज । नेपाल दशनामी समाज बाँकेको नयाँ कार्यसमिति निर्विरोध निर्वाचित भएको छ । पाँचौं जिल्ला अधिवेशनबाट गोपालप्रसाद गिरीको अध्यक्षतामा १९ सदस्यीय नयाँ कार्यसमिति चयन गरिएको हो ।

समाजको उपाध्यक्षमा झक्कु गिरी, महिला उपाध्यक्ष हुमकला गिरी, सचिव डिल्ली गिरी, सहसचिव कृष्ण गिरी र कोषाध्यक्षमा राजकुमार गिरी निर्विरोध निर्वाचित भएका हुन् । यस्तै सदस्यहरुमा राजेश भारती, विरेन्द्र गिरी, सरस्वती गिरी, राजन गिरी, रिमलाल गिरी, शारदा गिरी, हितेश भारती, आनन्द गिरी, लिलावती गिरी, धनीराम गिरी, नारद गिरी, केवल गिरी र पवित्राकुमारी पुरी चयन भएका छन् ।

त्यसअघि पाँचौं जिल्ला अधिवेशनको केन्द्रीय सचिव नारद पुरीले उद्घाटन गरेका थिए । कार्यवहाक अध्यक्ष गोपालप्रसाद गिरीको अध्यक्षतामा सम्पन्न उद्घाटन कार्यक्रममा बागेश्वरी मन्दिरका मूल महन्त चन्द्रनाथ योगी, गौशाला हनुमानगढीका महन्त महेश गिरी, देवघाटका महन्त त्रिवेणी गिरी विशिष्ट अतिथिका रुपमा उपस्थित थिए । महिला उपाध्यक्ष ओमकला गिरीको स्वागत मन्तब्य रहेको कार्यक्रमको सञ्चालन डिल्ली गिरीले गरेका थिए ।

No description available.

त्यसक्रममा विभिन्न क्षेत्रमा विशिष्ट योगदान पुर्याउने विभिन्न व्यक्तित्वहरुलाई सम्मान पनि गरिएको थियो । अधिवेशन उद्घाटन कार्यक्रममा बोल्ने बक्ताहरुले दशनामी समाजमा धेरै भन्दा धेरै ब्यक्तिहरुलाई जोडेर यसलाई सशक्तरुपमा अघि बढाउन सबैको ऐक्यबद्धतामा जोड दिएका थिए । दशनामीहरुको सशक्तिकरण र अधिकार संरक्षणका लागि आपसी एकतामा समेत जोड दिइएको छ । सनातन जातीका रुपमा रहेका दशनामीहरुलाई राज्यले विभेद गरेको बक्ताहरुको भनाई छ ।

उद्घाटन कार्यक्रममा समाजका पूर्व अध्यक्ष गोपाल गिरी, कोहलपुर नगरपालिका वडा नम्बर ९ का वडा अध्यक्ष ओपेन्द्रनाथ योगी, फत्तेबाल आँखा अस्पतालका आँखा विशेषज्ञ डा.देवराज भारती लगायतले पनि बोलेका थिए ।

No description available.