नेपाल प्रेस युनियन लुम्बिनी प्रदेशको दोस्रो वैठकः यस्ता छन् निर्णय

समाचार

गृहपृष्ठ
समाचार
नेपाल प्रेस युनियन लुम्बिनी प्रदेशको दोस्रो वैठकः यस्ता छन् निर्णय

नेपाल प्रेस युनियन लुम्बिनी प्रदेशको दोस्रो वैठकः यस्ता छन् निर्णय

बिहीबार, फागुन ११, २०७९ बागेश्वरी पोस्ट

नेपालगञ्ज । नेपाल प्रेस युनियन लुम्बिनी प्रदेश कार्यसमितिको दोश्रो बैठक दाङस्थित राप्ती गाउँपालिकाको मौरीघाटमा मंगलबार सम्पन्न भएको छ । उक्त बैठकले विभिन्न निर्णयहरु गरेको छ ।

नेपाल प्रेस युनियन लुम्बिनी प्रदेशका अध्यक्ष सुदीप गौतमको अध्यक्षतामा बसेको बैठकले प्रदेश कार्यसमितिको कोष सञ्चालन गर्न साइन रेसुंगा डेभलपमेन्ट बैंक बुटवलमा खाता खोल्ने र कोष सञ्चालन गर्न अध्यक्ष सुदीप गौतम वा महासचिव नवीन गिरी मध्ये एक जना र कोषाध्यक्ष सी.पी. खनालको अनिवार्य हस्ताक्षर चलाउने निर्णय गरेको छ ।

May be an image of 10 people, people standing, people sitting and indoor

बैठकले विधानमा व्यवस्था भए अनुसार पदाधिकारी संयोजक रहने गरी विभिन्न विभागहरु पनि गठन गरेको छ । जसमध्ये अनुशासन विभाग संयोजकमा उपाध्यक्ष जयसिंह केसी, संगठन विभाग संयोजकमा महासचिव नविन गिरी, महिला विभाग संयोजकमा उपाध्यक्ष शारदा मल्ल, आर्थिक विभाग संयोजकमा कोषाध्यक्ष सी.पी. खनाल, प्रचार विभाग संयोजकमा उपाध्यक्ष पहलमान घर्ति, प्रशिक्षण विभाग संयोजकमा सचिव सूर्यप्रसाद भुसाल, प्रकाशन विभाग संयोजकमा सचिव कल्पना डुम्रे र आचारसंहिता तथा अनुगमन विभाग संयोजकमा सचिव शम्शेर विक्रम जिसीलाई तोकिएको छ । संयोजकहरुले आवश्यकताका आधारमा सबै विभागलाई बढीमा १५ सदस्यीय बनाउन सक्ने छन् ।

त्यस्तै जिल्ला तहमा प्रेस युनियनको अवस्था अनुगमन गरी फागुन १५ गतेभित्र कार्यसमितिमा प्रतिवेदन पेश गर्न पदाधिकारी तथा सदस्यहरुलाई प्रतिनिधि पठाउने निर्णय गरिएको छ । जस अनुसार रोल्पा र बर्दियामा उपाध्यक्ष जयसिंह केसी, दाङ र बाँकेमा उपाध्यक्ष पहलमान घर्ति, कपिलबस्तु र नवलपरासीमा उपाध्यक्ष शारदा मल्ल, गुल्मी र रुपन्देहीमा सचिव सूर्यप्रसाद भुषाल, प्युठान र अर्घाखाँचीमा सचिव कल्पना डुम्रे, पाल्पा र रुकुम पुर्वमा सचिव शम्शेर विक्रम जिसीलाई खटाउने निर्णय गरिएको महासचिव नवीन गिरीले जानकारी दिए ।

त्यस्तै सदस्यहरुमध्ये प्रमोद आचार्यलाई रोल्पा, भिमा कँडेललाई बर्दिया, यमकला भुषाललाई दाङ, गौरव गिरीलाई बाँके, कृष्ण थापालाई कपिलबस्तु, रविन्द्र यादवलाई नवलपरासी, विष्णु प्रसाद आचार्यलाई गुल्मी, तेजेन्द्र केसीलाई रुपन्देही, पारस भण्डारीलाई प्यूठान, बसन्त बञ्जाडेलाई अर्घाखाँची, सीमा भट्टराईलाई पाल्पा र दिलिप खड्कालाई रुकुम पुर्व पठाउने निर्णय गरिएको महासचिव गिरीले जानकारी दिए ।

त्यस्तै तेश्रो बैठक आगामी २०८० बैशाख महिनाको दोश्रो हप्ता कपिलबस्तुको तिलौराकोटमा गर्ने निर्णय गरिएको छ । बैठकले नेपाल प्रेस युनियन केन्द्रिय कार्यसमितिको निर्णय अनुसार प्रदेशका सबै शाखाले यही फागुन २० गतेभित्र नयाँ सदस्यता र नविकरण गरेका सदस्यहरुको विवरण विधानले तोकेको शुल्क सहित प्रदेश समितिमा पठाइसक्न केन्द्रिय निर्देशन अनुसार अनुरोध गर्ने निर्णय पनि गरेको छ ।

साथै बैठकले दोश्रो बैठकको आतिथ्यता प्रदान गर्ने दाङ शाखालाई धन्यवाद ज्ञापन गरेको छ भने प्रेस युनियनमा आवद्ध सदस्यहरुका परिवारजनको सदस्यहरुको विभिन्न मितिमा भएको दुःखद् निधनप्रति श्रद्धाञ्जली अर्पण गर्दै शोक व्यक्त गर्ने निर्णय समेत गरेको महासचिव गिरीले जानकारी दिए ।