राप्रपा सरकारबाट बाहिरिएपछि प्रदेश १ सरकार अल्पमतमा

राजनीति

गृहपृष्ठ
राजनीति
राप्रपा सरकारबाट बाहिरिएपछि प्रदेश १ सरकार अल्पमतमा

राप्रपा सरकारबाट बाहिरिएपछि प्रदेश १ सरकार अल्पमतमा

शनिबार, फागुन १३, २०७९ बागेश्वरी पोस्ट

नेपालगन्ज । राष्ट्रिय प्रजातन्त्र पार्टी (राप्रपा) प्रदेश सरकारलाई दिएको समर्थन फिर्ता लिँदै सरकारबाट बाहिरिएपछि प्रदेश नं.१ को एमाले सरकार अल्पमतमा परेको छ ।

प्रदेश नं.१ मा ९३ सदस्यीय प्रदेश सभामा बहुमत कायम हुन ४७ मत आवश्यक पर्छ । तर, ६ जना प्रदेससभा सदस्य राप्रपा अहिले एउटा मन्त्रालयसहित सरकारमा थियो । राप्रपा प्रदेश सरकारबाट समेत बाहिरिएपछि त्यहाँको एमाले सरकार अल्पमतमा परेको हो ।

उक्त प्रदेशमा एमालेसँग ४०, माओवादीको सभामुखसहित १३, राप्रपाको ६ र जसपाको १ जनासहित एमाले नेतृत्वमा सरकार बनेको थियो । विपक्षमा २९ सिट भएको का‌ंग्रस र ४ सिट भएको एकीकृत समाजवादी थिए ।

राप्रपाले पनि सरकार छाडेपछि मुख्यमन्त्री हिक्मत कार्की संकटमा परेका छन् । राप्रपाले केन्द्र सरकारलाई दिएको समर्थन फिर्ता लिँदै सरकारबाट बाहिरिने निर्णय गरिसकेको छ ।

प्रकाशित मिति: शनिबार, फागुन १३, २०७९ ११:४३

प्रतिक्रिया दिनुहोस्