कांग्रेस कार्स करेक्सन गरेर अघि बढेको छः केन्द्रिय सदस्य प्रदिप पौडेल

राजनीति

गृहपृष्ठ
राजनीति
कांग्रेस कार्स करेक्सन गरेर अघि बढेको छः केन्द्रिय सदस्य प्रदिप पौडेल

कांग्रेस कार्स करेक्सन गरेर अघि बढेको छः केन्द्रिय सदस्य प्रदिप पौडेल

एमालेबाट उपमेयरकी उम्मेदवार थारु कांग्रेसमा प्रवेश

शनिबार, फागुन १३, २०७९ बागेश्वरी पोस्ट

नेपालगञ्ज । नेपाली कांग्रेसका केन्द्रिय सदस्य प्रदिप पौडेलले कांग्रेसले कोर्स करेक्सन गरेको बताएका छन् । नेपाली कांग्रेस कोहलपुर नगर कार्यसमितिको आयोजनामा भएको प्रथम नगर सम्मेलनलाई सम्बोधन गर्दै पौडेलले कांग्रेसले यसअघि गरेको गल्तीलाई सच्याउँदै कोर्स करेक्सन गरेर अघि बढेको बताए । उनले कांग्रेसले पहिले गठबन्धनलाई निरन्तरता दिन नसकेपनि राष्ट्रपति निर्वाचन अघि कोर्स करेक्सन गरेको बताएका हुन् ।

May be an image of 7 people, people standing and text that says 'कोहल सम्मलाण आयोजक नगर १३ नेपाली का गते (शनिवार) मिति: २०७८ फागल स्थान: कोहलपुर- 99, दशविगाह, वॉके कोहलपुर नगर व कोहलपुर,'

‘हामी तत्कालीन गठबन्धन निर्वाचनमा होमिएका थियौं । तर, निर्वाचनको नतिजा आइसकेपछि हामीले गठबन्धनलाई निरन्तरता दिन सकेनौं । अहिले पुनः कोर्स करेक्सन गरेर अघि बढेका छौं । यो गठबन्धन अब पुनः देशलाई अघि बढाउनका लागि अघि लाग्नेछ’ उनले भने । पौडेलले संगठनलाई चलायमान र गतिशील बनाउँर्दै पार्टी पंक्तिलाई मजबुत बनाउनतर्फ लाग्न आह्वान गरे । नगर सम्मेलनलाई सम्बोधन गर्दै कांग्रेस बाँकेका सभापति नारायणप्रसाद गौडेलले पार्टीलाई सुदृढ र सशक्त बनाउन कुनै कसर बाँकि नराखी संगठन निर्माणमा पार्टी होमिएको बताए । उनले व्यक्तिगत स्वार्थलाई थाँती राख्दै पार्टीलाई शीरमा राखेर अघि बढ्न नेता कार्यकर्तालाई आह्वान गरे ।

नगर सभापति विरेन्द्रकुमार शाहको सभापतित्वमा भएको सम्मेलनमा लुम्बिनी प्रदेश कार्यसमिति सदस्यद्वय टेकनारायण भुषाल र अञ्जना पाण्डे, सचिव एवम् लुम्बिनी प्रदेशसभा सदस्य सञ्जुकुमारी चौधरी, जिल्ला कोषाध्यक्ष यज्ञबहादुर बस्नेत, क्षेत्र नम्बर १ का क्षेत्रीय सभापति पोषण केसी लगायत नेता कार्यकर्ता उपस्थित थिए । कार्यक्रममा गत स्थानीय तहको निर्वाचनमा कोहलपुर नगरपालिकामा नेकपा एमालेको तर्फबाट उपमेयरको उम्मेदवार रहेकी एमाले नेतृ अस्मिता थारू लगायत दर्जनौं ब्यक्तिहरू बिभिन्न पार्टी परित्याग गरी नेपाली काँग्रेसमा प्रबेश गरेका थिए ।

May be an image of 3 people, people sitting and people standing May be an image of 5 people and people standing