शिक्षित र सक्षम उद्यमी 'बिन्दु'

राजनीति

गृहपृष्ठ
राजनीति
शिक्षित र सक्षम उद्यमी 'बिन्दु'

शिक्षित र सक्षम उद्यमी 'बिन्दु'

सोमबार, माघ ६, २०७६ बागेश्वरी पोस्ट

नेपालगन्ज ।विन्दु चर्ती मगर बुद्ध चाउमिन तथा उद्योगको सन्चालक हुन। नेपालगन्ज उपमहानगरपालिका २० मनिकापुरमा स्थापना गरिएको उक्त उद्योगसँगै विन्दुले चाउचाउ वा त्यस्तै उत्पादन, फलफुल तथा बगैचा सम्बन्धी पसल सन्चालन गर्ने, विविध सामानहरु स्थानीय खरीद विक्री गर्ने, बगैचा सम्वन्धी सेवा प्रदान गर्नेजस्ता व्यवसायीक कार्य गर्दै आएकी छन ।

नेपालगन्जको औद्योगिक क्षेत्रमा बिन्दुको चर्ती प्लोरा पसल छ । स्नातक अध्ययन बिन्दु सफल महिला उद्यमीका रुपमा पनि परिचित छिन। व्यवसायसँगै सामाजिक कार्यमा पनि विन्दु सक्रिय छिन । नेपालगन्ज उद्योग बाणिज्य संघको कार्यसमितिको जिम्मेवारी सफलतापूर्वक निर्वाह गरिसकेकी विन्दु महिला उद्यमी संघ बाँकेको कार्यसमिति सदस्य पनि हो।

नेपाल रेडक्रस सोसाइटी गनापुर उपशाखाको सहसचिव, ओम शान्ति आमा समूहको सचिव, नेपाल भारत मैत्री संघको केन्द्रीय सदस्य, फ्लोरी कल्चर एशोसिएशनको सदस्य, जिल्ला प्रहरी कार्यालय महिला बालबालिका तथा ज्येष्ठ नागरिक सेवा केन्द्रको सदस्य, सामुदायिक प्रहरी सेवा केन्द्रको सदस्य, नेपालगन्ज जेसिसलगायतका संघसंस्थामा उनी आवद्ध छिन ।

सहयोगी र मिलनसार विन्दु चर्ती मगर आगामी माघ ११ गते हुने नेपालगन्ज उद्योग बाणिज्य संघको निर्वाचनका लागि साझा प्रजातान्त्रिक उद्योगी व्यावसायी समूहको तर्फबाट सदस्य पदका उम्मेदवार हुन् ।