बाँकेमा सम्झिइए कांग्रेसका पूर्व सभापति स्वर्गीय सुवर्ण शमशेर

राजनीति

गृहपृष्ठ
राजनीति
बाँकेमा सम्झिइए कांग्रेसका पूर्व सभापति स्वर्गीय सुवर्ण शमशेर

बाँकेमा सम्झिइए कांग्रेसका पूर्व सभापति स्वर्गीय सुवर्ण शमशेर

बुधबार, फागुन १७, २०७९ बागेश्वरी पोस्ट

नेपालगञ्ज । नेपाली कांग्रेसले आज आफ्ना नेता स्वर्गीय सुवर्ण शमशेर जबरालाई सम्झेको छ । कांग्रेस बाँकेले आज स्वर्गीय जबराको ११२औं जन्मजयन्ती मनाएको छ । पूर्व पार्टी सभापति एवम् पूर्व मन्त्रीपरिषद् अध्यक्ष जवराको सम्झनामा पार्टी कार्यालयमा दीप प्रज्वलन गरिएको छ ।

May be an image of 5 people, people standing, people sitting and indoor

दीप प्रज्वलन कार्यक्रमलाई सम्बोधन गर्दै केन्द्रीय सदस्य मैकुलाल बाल्मिकीले नेपाली कांग्रेस आजको अवस्थासम्म आइपुग्न सुवर्ण शमशेरको अतुलनीय योगदान रहेको चर्चा गर्दै उनकै देनमा कांग्रेस बाँचिरहेको बताए । बाल्मिकीले प्रजातान्त्रिक आन्दोलनलाई अगाडि बढाउन र पार्टीमा कोषको व्यवस्थापनमा उनको विशेष योगदान रहेको स्मरण गर्दै तत्कालीन अवस्थामा पार्टीको आर्थिक पाटो उनलै धानेको बताए । बाल्मिकीले भारतमा कांग्रेस निकट नेपाली विद्यार्थीहरुको पठनपाठनको व्यवस्थापन पनि उनैले गरेको स्मरण गराए । उनले अहिलेको पुस्ताले सुवर्ण शमशेरको योगदानबारे जानकारी राख्न जरुरी रहेको बताए । पार्टी उपसभापति गोपालप्रसाद अधिकारीले पार्टीलाई आर्थिक भरथेग गरेर अगाडि बढाएका स्वर्गीय सुवर्ण शमशेर त्यागी नेता भएको बताए । आफूलाई प्रधानमन्त्री बन्न आएको प्रस्तावलाई समेत इन्कार गरेर विपी कोइरालालाई समर्थन गरेको अधिकारीले स्मरण गरे ।

May be an image of 15 people, people sitting and people standing

निवर्तमान पार्टी सभापति किरण कोइराला, लुम्बिनी प्रदेश समिति सदस्य कृष्णाकुमारी सापकोटा, क्षेत्रीय सभापति रमेशकुमार गुप्ता, महासमिति सदस्य लक्ष्मीनारायण शाह, सहसचिवद्वय रेणु सिंह ठाकुर र विनोदकुमार थारु, प्रबक्ता डिल्ली गिरी लगायत नेता कार्यकर्ता उपस्थित कार्यक्रमको सञ्चालन सचिव सुधांशु कोइरालाले गरेका थिए ।

May be an image of 10 people, people sitting and people standing

२०१२ सालमा भएको वीरगञ्ज महाधिवेशनमा सुवर्ण र गणेशमानको प्रतिस्पर्धा हुँदा सुवर्ण सभापतिमा चुनिएका थिए । उनको सभापतित्वले पहिलोपल्ट नेपाली कांग्रेसको सिद्धान्तलाई परिमार्जन गरी ‘प्रजातान्त्रिक समाजवाद’ को घोषण गरेको थियो । एउटा सामन्ती परिवारबाट आएको व्यक्तिको नेतृत्वले पार्टीलाई समाजवादी बनाएको थियो ।

आफू अर्थमन्त्री भएकै बेला सरकारले १९ पुस, २०१६ मा बिर्ता उन्मूलनको घोषणा गर्दा सुवर्णले आफूसँग रहेको १२ हजार बिगा जग्गा सरकारलाई बुझाउने घोषणा गरी त्यो नीतिलाई शक्ति प्रदान गरे । २०१५ सालको पहिलो आमनिर्वाचनमा कांग्रेस पार्टीले दुई तिहार्इ मत ल्याए पनि निकै महिनासम्म सरकार गठन हुन सकेको थिएन ।

त्यो चुनावी सरकारका प्रमुख सुवर्ण नै थिए र अत्यन्त सरलतापूर्वक चुनाव सम्पन्न भएको थियो । तर, राजा महेन्द्रले बीपीलाई मन नपराउने हुँदा सुवर्णलाई नै पटकपटक प्रधानमन्त्री हुन जोड गरे । तर, सुवर्णले पार्टीको नीति विपरीत आफू नजाने भनेपछि राजा बीपीलाई नै प्रधानमन्त्री बनाउन बाध्य भएका थिए ।

May be an image of 10 people, people sitting and people standing May be an image of 12 people, people standing and people sitting