एकताबद्ध कांग्रेस अहिलेको आवश्यकताः सभापति गौडेल

राजनीति

गृहपृष्ठ
राजनीति
एकताबद्ध कांग्रेस अहिलेको आवश्यकताः सभापति गौडेल

एकताबद्ध कांग्रेस अहिलेको आवश्यकताः सभापति गौडेल

बुधबार, फागुन १७, २०७९ बागेश्वरी पोस्ट

राप्तीसोनारी (बाँके) । नेपाली कांग्रेसका सभापति नारायणप्रसाद गौडेलले कांग्रेसलाई एकजुट बनाएर अघि बढाउनुको विकल्प नभएको बताएका छन् । आज राप्तीसोनारी गाउँपालिका वडा नम्बर ७ पोखरा माता मन्दिरमा आयोजित प्रदेशसभा १ (क) को सभालाई सम्बोधन गर्दै गौडेलले कांग्रेस बाँके संगठन विस्तार र सुदृढीकरणको अर्जुनदृष्टिका साथ अघि बढेको बताए । एकताबद्ध कांग्रेस अहिलेको आवश्यकता रहेको भन्दै उनले व्यक्तिगत स्वार्थलाई विर्सेर पार्टीलाई बलियो बनाउनतर्फ लाग्न नेता कार्यकर्तालाई आह्वान गरे ।

क्षेत्र नम्बर १ का क्षेत्रीय सभापति पोषण केसीले पार्टी बलियो बनाए मात्रै पार्टीमा नेता कार्यकर्ताको भविष्य बन्ने भन्दै पार्टी निर्माणलाई शीरमा राखेर अघि बढ्न आग्रह गरे । उनले कांग्रेस सधैं जनताको आशा र भरोसा बन्नुपर्ने बताए । सभामा महासमिति सदस्य चिन्तामणि धिताल, महाधिवेशन प्रतिनिधि लाहुराम थारु, पूर्व क्षेत्रीय सभापति रामचन्द्र मौर्य लगायत अगुवा नेता कार्यकर्ता उपस्थित थिए ।

No description available.

यसैबीच सोही कार्यक्रममा पूर्व पार्टी सभापति सुवर्ण शमशेर जबरालाई सम्झिइएको छ । उनको ११२औं जन्मजयन्तिमा आज सम्झना गरिएको हो । पार्टी निर्माण र विस्तारमा उनले पुर्याएको योगदानको चर्चा गर्दै स्वर्गीय जबरालाई स्मरण गरिएको पार्टी सभापति गौडेलले बताए । अहिलेको पुस्ताले स्वर्गीय शमशेरको योगदानका बारेमा जान्नुपर्ने सभापति गौडेलले बताए ।

प्रकाशित मिति: बुधबार, फागुन १७, २०७९ २१:०६