कांग्रेसले राष्ट्रपति निर्वाचनका लागि सबै प्रदेशमा खटायो पदाधिकारी

राजनीति

गृहपृष्ठ
राजनीति
कांग्रेसले राष्ट्रपति निर्वाचनका लागि सबै प्रदेशमा खटायो पदाधिकारी

कांग्रेसले राष्ट्रपति निर्वाचनका लागि सबै प्रदेशमा खटायो पदाधिकारी

बिहीबार, फागुन १८, २०७९ बागेश्वरी पोस्ट

नेपालगन्ज । नेपाली कांग्रेसले राष्ट्रपति निर्वाचनको प्रचारप्रसारका लागि पार्टीका पदाधिकारीहरूलाई सबै प्रदेशमा खटाएको छ ।

कांग्रेसले प्रचारप्रसारका लागि कोशी प्रदेशमा महामन्त्री विश्वप्रकाश शर्मा, मधेश प्रदेशमा सहमहामन्त्री फरमुल्लाह मन्सुर, बागमती प्रदेशमा महामन्त्री गगन थापालाई खटाएको छ ।

त्यस्तै पार्टीले उपसभापति धनराज गुरूङलाई गण्डकी प्रदेशमा खटाउँदै गर्दा लुम्बिनी प्रदेशमा सहमहामन्त्री किशोरसिंह राठौरलाई पठाएको छ । कर्णाली प्रदेशमा उपसभापति पूर्णबहादुर खड्का र सुदूरपश्चिम प्रदेशमा सहमहामन्त्री बद्री पाण्डेलाई खटाइएको कांग्रेस केन्द्रीय कार्यालयले जानकारी दिएको छ ।

पदाधिकारीहरुलाई प्रदेश सभा सदस्यहरूसँग समेत अन्तर्क्रिया गर्न केन्द्रीय कार्यालय निर्देशन समेत दिएको छ । कांग्रेसले सातै प्रदेशका पार्टी सभापतिहरूलाई पनि राष्ट्रपति चुनावमा खट्न जिम्मेवारी दिएको छ ।

कांग्रेसबाट ८ दलको समर्थनमा पार्टीका वरिष्ठ नेता रामचन्द्र पौडेललाई राष्ट्रपति उम्मेदवार बनाएको छ । उता नेकपा एमालेले सुवास चन्द्र नेम्वाङलाई उम्मेदवार बनाएको छ । राष्ट्रपति निर्वाचन यहीँ फागुन २५ गते हुँदैछ ।

प्रकाशित मिति: बिहीबार, फागुन १८, २०७९ १२:३९

प्रतिक्रिया दिनुहोस्