हिन्दु राष्ट्र माग गर्दै दुर्गा प्रसाईंको नेतृत्वमा काठमाडौंमा प्रदर्शन

राजनीति

गृहपृष्ठ
राजनीति
हिन्दु राष्ट्र माग गर्दै दुर्गा प्रसाईंको नेतृत्वमा काठमाडौंमा प्रदर्शन

हिन्दु राष्ट्र माग गर्दै दुर्गा प्रसाईंको नेतृत्वमा काठमाडौंमा प्रदर्शन

शनिबार, फागुन २०, २०७९ बागेश्वरी पोस्ट

नेपालगन्ज । दुर्गा प्रसाईँ नेतृत्वको महअभियानले काठमाडौंको माइतीघरमा भेला भइ नयाँ बानेश्वरसम्म प्रदर्शन गरेको हो ।

संघीयता खारेजी र हिन्दु राष्ट्र कायम गर्ने माग राख्दै राष्ट्र, राष्ट्रियता, धर्म, संस्कृति र नागरिक बचाउ महाअभियानले काठमाडौंमा प्रदर्शन गरेको हो ।

प्रदर्शनमा सहभागीहरुले नेपाललाई हिन्दुराष्ट्र कायम गरिनुपर्ने, संघीयता खारेज गर्नुपर्ने भन्दै राजतन्त्रको पक्षमा नाराबाजी गरेका छन् । पूर्व राजा ज्ञानेन्द शाहलाई उपस्थित गराई झापाबाट सुरु भएको प्रसाईँको अभियानले देशका विभिन्न शहरमा प्रदर्शन गरिसकेको छ ।

महाअभियानले बैंकको ब्याजदर घटाउनु पर्ने, २० लाखम्म ऋण मिनाहा गर्नुपर्ने लगायतका माग पनि राखेको छ । ५ प्रतिशत ब्याजमा ऋण पाउनु पर्ने माग पनि प्रसाईँको छ । आर्थिक अन्याय र बेथितिविरूद्ध आन्दोलन गरेको उनीहरूको भनाइ छ ।

उनीहरूले राजतन्‍त्र फर्काउनुपर्ने, संघीयता खारेजीको मागसहित नाराबाजी समेत गरेका छन् । प्रदर्शनकारीले राष्ट्रिय झन्डा समेत बोकेका छन् ।

प्रकाशित मिति: शनिबार, फागुन २०, २०७९ १५:१९

प्रतिक्रिया दिनुहोस्