कांग्रेस क्षेत्र नम्बर २ द्वारा सन्त नेता भट्टराईको सम्झनामा दीप प्रज्वलन

राजनीति

गृहपृष्ठ
राजनीति
कांग्रेस क्षेत्र नम्बर २ द्वारा सन्त नेता भट्टराईको सम्झनामा दीप प्रज्वलन

कांग्रेस क्षेत्र नम्बर २ द्वारा सन्त नेता भट्टराईको सम्झनामा दीप प्रज्वलन

शनिबार, फागुन २०, २०७९ बागेश्वरी पोस्ट

नेपालञ्ज । नेपाली कांग्रेस क्षेत्र नम्बर २ बाँकेले स्वर्गीय सन्त नेता कृष्णप्रसाद भट्टराईको सम्झनामा आज दीप प्रज्वलन गरेको छ । पूर्व पार्टी सभापति एवम् पूर्व प्रधानमन्त्री स्वर्गीय भट्टराईको १२औं स्मृति दिवसका अवसरमा नेपालगञ्ज १० स्थित गणेशमान चोकमा दीप प्रज्वलन गरिएको हो ।

दीप प्रज्वलन अघि बोल्दै नेताहरुले नेपाली राजनीतिका आदर्श व्यक्तित्व स्वर्गीय भट्टराईलाई सादगी नेताका रुपमा चर्चा गरे । सबैलाई मिलाएर राख्न सक्ने क्षमता भएको नेताका रुपमा पनि उनलाई चित्रण गरेका थिए । प्रजातन्त्र पुनर्बहाली र त्यसपश्चात बनेको संविधान जारी गर्न अहम् भूमिका खेलेको स्मरण गर्दै दुई पटक प्रधानमन्त्री भएर पनि उनले व्यतित गरेको सामान्य जीवनशैली सबैका लागि प्रेरणा बन्नुपर्नेमा जोड दिए ।

क्षेत्रीय सभापति रमेशकुमार गुप्ताको सभापतित्वमा भएको कार्यक्रममा केन्द्रिय सदस्य मैकुलाल बाल्मिकी, जिल्ला पार्टी सभापति नारायणप्रसाद गौडेल, निवर्तमान सभापति किरण कोइराला लगायतले बोलेका थिए । क्षेत्रीय सचिव सुनिलसिंह हमालले सञ्चालन गरेको कार्यक्रममा पूर्व जिल्ला सभापति कृष्णमान श्रेष्ठ, लुम्बिनी प्रदेश समिति सदस्य कृष्णाकुमारी सापकोटा, दिक्षा कोइराला, उपसभापति गोपालप्रसाद अधिकारी, सचिव सुधांशु कोइराला, सहसचिव रेणु सिंह ठाकुर, कोषाध्यक्ष यज्ञबहादुर बस्नेत, वडा नम्बर १० की कार्यबहाक वडा सभापति कल्पना रेग्मी घिमिरे लगायत नेता कार्यकर्ता उपस्थित थिए । नरबहादुर विष्टले स्वागत मन्तब्य व्यक्त गरेका थिए ।

फोटो फिचर

No description available.