आज रातिदेखी राष्ट्रपति निर्वाचनको प्रचारप्रसार गर्न नपाइने

राजनीति

गृहपृष्ठ
राजनीति
आज रातिदेखी राष्ट्रपति निर्वाचनको प्रचारप्रसार गर्न नपाइने

आज रातिदेखी राष्ट्रपति निर्वाचनको प्रचारप्रसार गर्न नपाइने

सोमबार, फागुन २२, २०७९ बागेश्वरी पोस्ट

नेपालगन्ज । यही फागुन २५ गते हुने राष्ट्रपति निर्वाचनका लागि आज राति १२ बजेदेखि निर्वाचन आयोगले प्रचारप्रसार गर्न निषेध गरेको छ ।

आज रातिदेखि मतदानको दिन फागुन २५ गते मतदान केन्द्र बन्द नभएसम्मका लागि प्रचारप्रसार निषेध गरिएको निर्वाचन आयोगले जनाएको छ ।

यो अवधिमा निर्वाचन प्रचारप्रसार, अन्तरक्रिया, सभा, सम्मेलन, कार्यशाला, गोष्ठी आयोगले गर्न निषेध गरिएको जनाएको छ । यो समयमा उम्मेदवाको पक्ष वा विपक्षमा कुनै पनि प्रकारको प्रचारप्रसार गर्न, मत माग्न, एसएमएस, फेसबुक प्रयोग मत माग्न पनि पाइँदैन ।

आचारसंहिता विपरीत वक्तव्य दिन, प्रेस विज्ञप्ति निकाल्न, प्रकाशन तथा प्रसारण गर्न, सञ्चारमाध्यमबाट जीत/हारको पूर्वानुमानका सामग्रीहरु प्रसारजस्ता कार्य गर्न नहुने भएको हुँदा यस्ता आचरणहरु पालना गर्न÷गराउन सम्बन्धित सबैलाई आयोगले आग्रह गरेको छ ।

२५ गते हुने राष्ट्रपति निर्वाचनमा नेपाली कांग्रेसबाट रामचन्द्र पौडेल र नेकपा एमालेबाट सुवास चन्द्र नेम्वाङ उम्मेदवार हुन् । पौडेललाई ८ दलको समर्थन रहेको छ ।

प्रकाशित मिति: सोमबार, फागुन २२, २०७९ ११:२०

प्रतिक्रिया दिनुहोस्