प्रचारप्रसार निषेध अवधिमा के-के गर्न पाइँदैन ?

राजनीति

गृहपृष्ठ
राजनीति
प्रचारप्रसार निषेध अवधिमा के-के गर्न पाइँदैन ?

प्रचारप्रसार निषेध अवधिमा के-के गर्न पाइँदैन ?

मंगलबार, फागुन २३, २०७९ बागेश्वरी पोस्ट

नेपालगन्ज । गए रातिदेखि निर्वाचन आयोगले राष्ट्रपति र उपराष्ट्रपति निर्वाचनको प्रचारप्रसार गर्न निषेध गरेको छ । यही फागुन २५ मा हुने राष्ट्रपतिको निर्वाचनका लागि गएराति १२ बजेदेखि निर्वाचन आयोगले प्रचारप्रसारमा निषेध गरेको हो । फागुन २५ गते मतदान केन्द्र बन्द नभएसम्म प्रचारप्रसार निषेधको अवधि कायम रहने छ ।

सो अवधिमा उम्मेदवारको पक्ष वा विपक्षमा कुनै पनि प्रकारको प्रचारप्रसार गर्न, मत माग्न, एसएमएस, फेसबुक, भाइवरजस्ता विद्युतीय माध्यम तथा सामाजिक सञ्जालबाट मत माग्न निषेध गरिएको छ ।

निर्वाचन आचारसंहिता विपरीत वक्तव्य दिन, प्रेस विज्ञप्ति निकाल्न, प्रकाशन तथा प्रसारण गर्न, सञ्चारमाध्यमबाट जित–हारको पूर्वानुमानका सामग्री प्रसारजस्ता कार्य गर्न रोक लगाइएको छ ।

आयोगले २०७९ फागुन १७ गतेदेखि चैत ५ गतेसम्म कायम रहने गरी निर्वाचन आचारसंहिता, २०७९ जारी गरिएको छ । राष्ट्रपति निर्वाचनमा नेपाली कांग्रेसबाट वरिष्ठ नेता रामचन्द्र पौडेल र नेकपा एमालेका तर्फबाट उपाध्यक्ष सुवासचन्द्र नेम्वाङ मैदानमा छन् । पौडेललाई ८ दलको समर्थन रहेको छ।

प्रकाशित मिति: मंगलबार, फागुन २३, २०७९ ०९:२१