सभामुख घिमिरे बहराइन जाँदै

राजनीति

गृहपृष्ठ
राजनीति
सभामुख घिमिरे बहराइन जाँदै

सभामुख घिमिरे बहराइन जाँदै

बुधबार, फागुन २४, २०७९ बागेश्वरी पोस्ट

नेपालगन्ज । बहराइनमा यही फागुन २७ देखि चैत २ गतेसम्म आयोजना हुने अन्तर–व्यवस्थापिका संघको १४६ औं बैठकमा भाग लिन सभामुख देवराज घिमिरे जाने भएका छन् ।

उनी ९ सदस्यीय नेपाली प्रतिनिधिमण्डलको नेतृत्व गर्दै यही फागुन २६ गते त्यसतर्फ जान लागेको संघीय संसद् सचिवालयका सहप्रवक्ता दशरथ धमलाले जानकारी दिए । सभामुख घिमिरेले त्यस बीचमा नेपालको तर्फबाट बैठकमा सम्बोधन गर्ने कार्यक्रम छ ।

प्रतिनिधिमण्डलमा नेपाली कांग्रेसका मुख्य सचेतक रमेश लेखक, नेकपा (एमाले)का तर्फबाट राष्ट्रियसभा सदस्य इन्दु खकडरीया, नेकपा (माओवादी केन्द्र) का प्रमुख सचेतक हितराज पाण्डे र राष्ट्रिय स्वतन्त्र पार्टीका प्रमुख सचेतक सन्तोष परियार तथा संसद् सचिवालयका महासचिव भरतराज गौतम र प्रतिनिधिसभाका सचिव गोपाल योगी सहभागी हुनेछन् ।

नेपाल उक्त संघको सदस्य छ । रासस

प्रकाशित मिति: बुधबार, फागुन २४, २०७९ ०२:५५

प्रतिक्रिया दिनुहोस्