राष्ट्रपति निर्वाचनमा राप्रपाको तटस्थ बस्ने निर्णय

राजनीति

गृहपृष्ठ
राजनीति
राष्ट्रपति निर्वाचनमा राप्रपाको तटस्थ बस्ने निर्णय

राष्ट्रपति निर्वाचनमा राप्रपाको तटस्थ बस्ने निर्णय

बुधबार, फागुन २४, २०७९ बागेश्वरी पोस्ट

नेपालगन्ज। राष्ट्रिय प्रजातन्त्र पार्टी (राप्रपा ) ले भोलि हुने राष्ट्रपतिको निर्वाचनमा तटस्थ बस्ने निर्णय गरेको छ ।

राप्रपाको केन्द्रीय कार्यसम्पादन समितिको आज साँझ सम्पन्न बैठकले तटस्थ बस्ने निर्णय गरेको महामन्त्री धवलशमशेर जबराले जानकारी दिए ।

केन्द्रीय कार्यालय धुम्बाराहीमा बसेको बैठकले भोलि हुने राष्ट्रपतिको निर्वाचनमा तटस्थ बस्ने निर्णय गरेको हो । बैठकमा मत दिने वा वहिस्कार गर्ने भन्नेबारेमा पनि चर्चा भएको थियो। तर सन्देश नराम्रो जाने भन्दै तटस्थ बस्ने निर्णय भएको हो ।

भोलि बिहान १० बजेदेखि ३ बजेसम्म राष्ट्रपतिको निर्वाचनमा मतदान हुँदैछ । त्यसपछि तत्काल मतगणना थालेर बेलुकी ७ बजेसम्म परिणाम आइसक्ने निर्वाचन आयोगले जानकारी दिएको छ । राष्ट्रपतिको उम्मेदवारमा नेपाली कांग्रेसबाट रामचन्द्र पौडेल र नेकपा एमालेबाट सुवास नेम्वाङ छन् ।

प्रकाशित मिति: बुधबार, फागुन २४, २०७९ १८:५९

प्रतिक्रिया दिनुहोस्