राष्ट्रपति निर्वाचनको मत परिणामको प्रतिवेदन बुझाइँदै

राजनीति

गृहपृष्ठ
राजनीति
राष्ट्रपति निर्वाचनको मत परिणामको प्रतिवेदन बुझाइँदै

राष्ट्रपति निर्वाचनको मत परिणामको प्रतिवेदन बुझाइँदै

शुक्रबार, फागुन २६, २०७९ बागेश्वरी पोस्ट

नेपालगन्ज । राष्ट्रपति निर्वाचनको मत परिणामसहितको प्रतिवेदन निर्वाचन आयोगले राष्ट्रपति विद्यादेवी भण्डारीसमक्ष आज बुझाउँदैछ ।

राष्ट्रपति निर्वाचनबाट नेपाली कांग्रेसका सांसद रामचन्द्र पौडेल निर्वाचत भएको भोलिपल्ट अर्थात आज आयोगले मतपरिणाम सहितको प्रतिवेदन बुझाउन लागेको हो ।

राष्ट्रपति तथा उपराष्ट्रपतिको निर्वाचनसम्बन्धी ऐन २०७४ बमोजिम आयोगले निर्वाचनको परिणाम सहितको प्रतिवेदन राष्ट्रपतिसमक्ष पेश गर्ने कार्यक्रम रहेको आयोगका प्रवक्ता शालिग्राम शर्मा पौडेलले जानकारी दिए ।

मुलुकको तेस्रो राष्ट्रपतिका लागि बिहीबार भएको मतदानमा पूर्व सभामुख रामचन्द्र पौडेल निर्वाचित भएका हुन् । आफ्ना प्रत्यासी पूर्व सभामुख सुवासचन्द्र नेम्वाङलाई दोब्बर बढी मतले पराजित गर्दै उनी राष्ट्रपतिमा निर्वाचित भएका हुन् ।

निर्वाचन समितिका अनुसार पौडेलले सङ्घतर्फ दुई सय १४ र प्रदेशतर्फ तीन सय ५२ मत प्राप्त गरेका थिए । उनले कूल ३३ हजार आठ सय दुई मतभार प्राप्त गरे ।

यसैगरी उनका प्रत्यासी नेम्वाङले सङ्घतर्फ ९८ र प्रदेशतर्फ एक सय ६२ मत प्राप्त गरेको निर्वाचन समितिले जनाएको छ । नेम्वाङले कुल १५ हजार पाँच सय १८ मतभार प्राप्त गरेका थिए ।

प्रकाशित मिति: शुक्रबार, फागुन २६, २०७९ ०८:३९