आज उपराष्ट्रपतिको उम्मेदवारी दर्ता

राजनीति

गृहपृष्ठ
राजनीति
आज उपराष्ट्रपतिको उम्मेदवारी दर्ता

आज उपराष्ट्रपतिको उम्मेदवारी दर्ता

शनिबार, फागुन २७, २०७९ बागेश्वरी पोस्ट

नेपालगन्ज । उपराष्ट्रपतिको निर्वाचनका लागि आज उम्मेदवारी दर्ताको समय तोकिएको छ ।

आज बिहान ९ बजेदेखि २ बजेसम्मका लागि उपराष्ट्रपति पदका लागि मनोनयन दर्ता गर्नका लागि समय तालिका छुट्याएको हो । आयोगका अनुसार नयाँ बानेश्वरको संसद भवन रहेको अन्तर्राष्ट्रिय सम्मेलन केन्द्रमा अवस्थित निर्वाचन कार्यालयमा गएर उम्मेदवार मनोनयन गर्नुपर्नेछ ।

यसैगरी आजै उपराष्ट्रपति पदमा मनोनयन पत्र दर्ता भएको सूचना जारी गर्नेदेखि उम्मेदवारको नाम सार्वजनिक गर्ने, दाबी विरोध गर्नेसम्मको कार्यतालिका निर्वाचन आयोगले यसअघि नै सार्वजनिक गरिसकेको छ ।

उपराष्ट्रपतिको उम्मेदवारमा जसपा, जमनत पार्टीबाट आफ्ना उम्मेदवारको नाम तोकिएपनि ८ दलीय गठबन्धनले अझै आधिकारिक उम्मेदवारको नाम सार्वजनिक गरेको छैन । उम्मेदवारबारे निर्णय गर्न नेकपा एमालेको बैठक बसिरहेको छ । उपराष्ट्रपतिको निर्वाचन चैत्र ३ गते हुँदैछ ।

प्रकाशित मिति: शनिबार, फागुन २७, २०७९ ०८:२३