आगलागीबाट एकै घरका दुई बालबालिकाको मृत्यु

समाचार

गृहपृष्ठ
समाचार
आगलागीबाट एकै घरका दुई बालबालिकाको मृत्यु

आगलागीबाट एकै घरका दुई बालबालिकाको मृत्यु

शनिबार, फागुन २७, २०७९ बागेश्वरी पोस्ट

फाइल फोटो

नेपालगन्ज । आगलागीमा परी एकै घरका दुई बालबालिकाको मृत्यु भएको छ । गएराती भएको आगलागीमा परी उदयपुरको रौतामाई गाउँपालिका ८ पाँबुका रामबहादुर मगरका ६ वर्षीया छोरी जस्मिन र दुई वर्षीय छोरा रोजन मगरको मृत्यु भएको हो ।

रामबहादुरको माटो र ढुंगाले बनेको दुईतले घरमा आगलागी हुँदा दुई छोराछोरीको मृत्यु भएको स्थानीय टेकराज रिखाम मगरले जानकारी दिए ।

‘हामी दुवै जना सडक निर्माणका लागि गएका थियौं, घरमा अभिभावक कोही नभएको बेला आगलागी भएको हो,’ मृतकका बुबा रामबहादुर मगरले भने ।

स्थानीय शिक्षक गौरवबहादुर मगरका अनुसार घटना भएलगत्तै दुवै जनाको बेहोस भएका थिए । उनीहरूको उद्धार गरी उपचारका लागि जिल्ला अस्पताल गाईघाट लगिएको थियो । जिल्ला प्रहरी कार्यालयको टोली र इलाका प्रहरी कार्यालय भुट्टारको टोली घटनास्थल पुगेर घटनाका विषयमा अनुसन्धान गरिरहेको छ । घटनामा मानवीय क्षतिसँगै घरमा भएका सबै सामग्री जलेर नष्ट भएका छन् ।

आगलागीमा मगरको अन्नपात, लत्ताकपडा, भाँडावर्तन सबै जल्दा करिब रू. १० लाख बराबरको क्षति भएको प्रहरीले जनाएको छ । आगो स्थानीय र प्रहरीले साँझ ६ बजे नियन्त्रणमा लिएको थियो । घटनास्थल सदरमुकामबाट करिब ४५ किलोमिटर र भुट्टारबाट छ किलोमिटर टाढा रहेको छ । विद्युत् सर्ट भई आगलागी भएको हुन सक्ने प्रहरीले अनुमान गरेको छ । रासस

प्रकाशित मिति: शनिबार, फागुन २७, २०७९ १५:१०

प्रतिक्रिया दिनुहोस्