उद्योग बाणिज्य संघको अध्यक्ष बन्ने सोचमा हिंडेेका 'चुन्ना'....

राजनीति

गृहपृष्ठ
राजनीति
उद्योग बाणिज्य संघको अध्यक्ष बन्ने सोचमा हिंडेेका 'चुन्ना'....

उद्योग बाणिज्य संघको अध्यक्ष बन्ने सोचमा हिंडेेका 'चुन्ना'....

मंगलबार, माघ ७, २०७६ बागेश्वरी पोस्ट

नेपालगन्ज ।एक ईमानदार र सहयोगी भावनाका धनी, सबैका प्रियपात्र 'चुन्ना'। ब्यबसायीहरु माझ लोकप्रिय, समाजिक एकताका प्रतिक अब्दुल वाहिद मन्सुरी 'चुन्ना'उद्योग, व्यवसायका निडर, इमानदार र असल नेता हुनुहुन्छ भने नेपालगन्जको विविधतायुक्त समाजका लागि अनुकरणीय व्यक्ति हुनुहुन्छ ।

हाम्रो राष्ट्रिय गानमा भनेझै ‘संयौ थुङ्गा फुलका हामी एउटै माला नेपाली’ को मर्मलाई आत्मसाथ गर्ने ठुलो सोंचका धनी 'चुन्ना' यतिबेला तीन हजार बढि मतदाता रहेको नेपालगन्ज उद्योग वाणिज्य संघको यही माघ ११ गते हुने निर्वाचनमा समावेशी प्यानलको तर्फबाट अध्यक्ष पदका उम्मेदवार हुनुहुन्छ ।

बुवाको पद्चाप पछ्याउँदै चुन्ना नेपालगन्जमा बिस वर्षदेखि व्यवसायीक क्षेत्रमा सक्रिय हुनुहुन्छ । अजिज किराना स्टोरका प्रोपराईटर चुन्ना व्यवसायीक संगसंगै सामाजिक क्षेत्रमा समेत क्रियाशिल रहँदै आउनुभएको छ ।

नेपालगन्ज उद्योग वाणिज्य संघमा २ कार्यकाल कार्यसमिति सदस्य, एक कार्यकाल उपाध्यक्ष र अहिले बरिष्ठ उपाध्यक्ष रहनुभएका चुन्ना नेपालगन्ज किराना तथा खाद्य व्यवसायी संघको २०६३ सालदेखि हालसम्म नेतृत्वदायी भूमिकामा हुनुहुन्छ ।

त्यस्तै नेपाल बितरक महासंघमा पूर्व कार्यसमिति सदस्य, नेपालगन्ज बितरक संघमा सदस्य हुनुहुन्छ भने लायन्स क्लव सिद्धी बिनायकको पूर्व अध्यक्ष समेत भई बिभिन्न अनुभव सङ्गालेका प्रतिष्ठित, उर्जावान , जुझारु युवा व्यवसायी हुनुहुन्छ । बिशुद्ध व्यवसायीक क्षेत्रबाट उदय हुनुभएका सफल व्यवसायी जुन क्षेत्रमा नेतृत्वदायी भूमिका खेल्नुभएको छ, जुन संघ संस्थाहरु आज व्यवसायी माझ परिचित छन् ।

नेपालगन्जको उद्योग व्यवसाय अहिले धरमरको अवस्थामा छ । अर्कोतर्फ सरकारले ल्याएका नयाँ नयाँ कर प्रणालीहरु अव्यवहारिक र झञ्झटिलो बन्दा उद्योगी, व्यवसायी मर्कामा परेका सबै समस्यालाई समाधान गर्ने उहाँको योजन र सोच छ।