आजदेखि राष्ट्रपति भण्डारीको कार्यकाल सकिँदै

राजनीति

गृहपृष्ठ
राजनीति
आजदेखि राष्ट्रपति भण्डारीको कार्यकाल सकिँदै

आजदेखि राष्ट्रपति भण्डारीको कार्यकाल सकिँदै

आइतबार, फागुन २८, २०७९ बागेश्वरी पोस्ट

नेपालगन्ज । आजदेखि राष्ट्रपति विद्यादेवी भण्डारीको कार्यकाल आजबाट सकिँदैछ । २०७४ साल फागुन ३० गतेदेखि राष्ट्रपति पदको कार्यभार सम्हाल्दै आएकी भण्डारीले कार्यकाल पूरा गरेकी हुन् ।

उनी पहिलो पटक २०७२ साल कार्तिक ११ गते राष्ट्रपति भएकी थिइन् । उनको पहिलो कार्यकाल भने दुई वर्ष चार महिनाको मात्र रहेको थियो । दोस्रो कार्यकाल भने उनी पूर्ण समय व्यतित गरेकी छिन् । संविधान अनुसार राष्ट्रपतिमा दुई कार्यकाल भन्दा बढी एकै व्यक्ति हुन पाउँदैन ।

भण्डारीको कार्यकाल आजबाट सकिने भएकाले आउँदो कार्यकालका लागि राष्ट्रपतिको निर्वाचन सम्पन्न भइसकेको छ । यही फागुन २५ गते भएको निर्वाचनमा नेपाली कांग्रेसका वरिष्ठ नेता रामचन्द्र पौडेल निर्वाचित भइसकेका छन् ।

एमाले नेता सुवास नेम्वाङलाई दोब्बर बढी मतभारले पराजित गर्दै पौडेल राष्ट्रपतिमा निर्वाचित भएका हुन् ।

प्रकाशित मिति: आइतबार, फागुन २८, २०७९ ०७:५२

प्रतिक्रिया दिनुहोस्