शितल निवासबाट बिदा भइन् निवर्तमान राष्ट्रपति विद्यादेवी भण्डारी

राजनीति

गृहपृष्ठ
राजनीति
शितल निवासबाट बिदा भइन् निवर्तमान राष्ट्रपति विद्यादेवी भण्डारी

शितल निवासबाट बिदा भइन् निवर्तमान राष्ट्रपति विद्यादेवी भण्डारी

सोमबार, फागुन २९, २०७९ बागेश्वरी पोस्ट

नेपालगन्ज । निवर्तमान राष्ट्रपति विद्यादेवी भण्डारीले आज दिउँसो शीतल निवासबाट बिदाई भएकी छिन् । राष्ट्रपतिको कार्यकाल सकिएसँगै निवर्तमान राष्ट्रपति भण्डारीले शीतल निवास छोडेकी हुन् ।

आज नवनिर्वाचित राष्ट्रपति रामचन्द्र पौडेलको शपथ ग्रहणमा सहभागी भएर भण्डारी बुढानीलकण्ठ प्रस्थान गरेकी छन् ।

भण्डारी शीतल निवासबाट बुढानीलकण्ठ २ चपलीस्थित निजी निवासमा बस्ने भएकी छन् । त्यससँगै निवर्तमान राष्ट्रपतिका लागि निजी निवासमा सुरक्षाको व्यवस्था मिलाइएको छ ।

भण्डारी दुई कार्यकाल राष्ट्रपति बनेर शीतल निवासमा रहेकी थिइन् । उनी २०७२ साल कात्तिक ११ गते पहिलो पटक र २०७४ साल फागुन २९ गते पुनः दोस्रो कार्यकालका लागि राष्ट्रपति बनेकी थिइन् ।

प्रकाशित मिति: सोमबार, फागुन २९, २०७९ १४:१४

प्रतिक्रिया दिनुहोस्