आज रातिदेखि उपराष्ट्रपतिका उम्मेदवारलाई प्रचारप्रसारमा रोक

राजनीति

मंगलबार, फागुन ३०, २०७९ बागेश्वरी पोस्ट

नेपालगन्ज । आजदेखि उपराष्ट्रपति निर्वाचनका उम्मेदवारका लागि प्रचारप्रसार गर्न निषेध गरिएको छ ।

निर्वाचन आयोगका अनुसार उपराष्ट्रपति निर्वाचनका लागि आज राति १२ बजेदेखि चैत्र ३ गते चुनावसम्म प्रचारप्रसारमा रोक लगाइएको छ ।

उक्त अवधिमा निर्वाचन प्रचारप्रसार लगायत कुनै पनि प्रकारका छलफल, अन्तरक्रिया, सभा, सम्मेलन, कार्यशाला, गोष्ठी आदि गर्न निषेध गरिएको छ ।

निर्वाचनका लागि चैत्र ५ गतेसम्म आचारसंहिता लागू भइसकेकाले निर्वाचनको ४८ घण्टाअघि देखि नै आयोगले उम्मेदवारको प्रचारप्रसारमा रोक लगाएको हो ।

उपराष्ट्रपतिका लागि रामसहाय प्रसाद यादव, प्रमिला कुमारी यादव, ममता झा र अष्टलक्ष्मी शाक्य उम्मेदवार रहेका छन् ।

प्रकाशित मिति: मंगलबार, फागुन ३०, २०७९ ११:३९

प्रतिक्रिया दिनुहोस्