उपराष्ट्रपति निर्वाचनको लागि मौन अवधि लागू

राजनीति

गृहपृष्ठ
राजनीति
उपराष्ट्रपति निर्वाचनको लागि मौन अवधि लागू

उपराष्ट्रपति निर्वाचनको लागि मौन अवधि लागू

बुधबार, चैत १, २०७९ बागेश्वरी पोस्ट

नेपालगन्ज । आजदेखि उपराष्ट्रपति निर्वाचनका लागि मौन अवधि सुरु भएको छ।निर्वाचन आयोगका अनुसार उपराष्ट्रपति निर्वाचनका लागि गए राति १२ बजेदेखि चैत्र ३ गते सम्म मौन अवधि सुरु भएको हो ।

मौन अवधि उम्मेदवारले चुनावी छलफल, अन्तर्क्रिया, सभा, सम्मेलन, कार्यशाला, गोष्ठी आदि गर्न, उम्मेदवारको पक्ष वा विपक्षमा कुनै पनि प्रकारको प्रचारप्रसार गर्न पाइदैन ।

त्यस्तै मत माग्नका लागि एसएमएस, फेसबुक, भाइबरजस्ता विद्युतीय माध्यमद्वारा प्रयोग गरिने सामाजिक सञ्जालबाट मत माग्न, आचारसंहिता विपरीत वक्तव्य दिन, प्रेस विज्ञप्ति निकाल्न, प्रकाशन तथा प्रसारण गर्न, सञ्चारमाध्यमबाट जीत हारको पूर्वानुमानका सामग्रीहरू प्रसारजस्ता कार्य गर्न नहुने निर्वाचन आयोगले जनाएको छ।

निर्वाचनका लागि चैत्र ५ गतेसम्म आचारसंहिता लागू भइसकेकाले निर्वाचनको ४८ घण्टाअघि देखि नै आयोगले मौन अवधि लगाएको हो।

उपराष्ट्रपतिका लागि रामसहाय प्रसाद यादव,प्रमिला कुमारी यादव , ममता झा र अष्टलक्ष्मी शाक्य उम्मेदवार रहेका छन।

प्रकाशित मिति: बुधबार, चैत १, २०७९ ०८:५१