उपराष्ट्रपतिमा जसपाका रामसहाय प्रसाद यादवलाई मतदान गर्ने कांग्रेसको निर्णय

राजनीति

गृहपृष्ठ
राजनीति
उपराष्ट्रपतिमा जसपाका रामसहाय प्रसाद यादवलाई मतदान गर्ने कांग्रेसको निर्णय

उपराष्ट्रपतिमा जसपाका रामसहाय प्रसाद यादवलाई मतदान गर्ने कांग्रेसको निर्णय

बुधबार, चैत १, २०७९ बागेश्वरी पोस्ट

नेपालगन्ज । उपराष्ट्रपति निर्वाचनमा नेपाली कांग्रेसले जनता समाजवादी पार्टीका उम्मेदवार रामसहाय प्रसाद यादवलाई मतदान गर्ने निर्णय गरेको छ ।

कांग्रेसको आज पार्टी केन्द्रीय कार्यालय सानेपामा बसेको केन्द्रीय कार्यसम्पादन समिति बैठकले गठबन्धनबाट साझा उम्मेदवार रहेका जसपाका संसदीय दलका नेता यादवलाई मतदान गर्ने निर्णय गरेको प्रवक्ता प्रकाशशरण महतले जानकारी दिएका छन् ।

कांग्रेसले पार्टीबाट प्रतिनिधि सभा, राष्ट्रिय सभा र प्रदेश सभामा निर्वाचित भएका सदस्यहरूलाई यादवका पक्षमा मतदान गर्न निर्देशन समेत दिएको छ ।

उपराष्ट्रपतिको निर्वाचन यही चैत्र ३ हुँदैछ भने रामसहायसहित प्रमिला यादव, ममता झा र अष्टलक्ष्मी शाक्य उम्मेदवार छन् ।

प्रकाशित मिति: बुधबार, चैत १, २०७९ १२:२१