नेपालगञ्जमा सुरक्षित आप्रवासन (सामी) कार्यक्रमको अन्तरक्रिया

समाचार

गृहपृष्ठ
समाचार
नेपालगञ्जमा सुरक्षित आप्रवासन (सामी) कार्यक्रमको अन्तरक्रिया

नेपालगञ्जमा सुरक्षित आप्रवासन (सामी) कार्यक्रमको अन्तरक्रिया

बिहीबार, चैत २, २०७९ बागेश्वरी पोस्ट

नेपालगञ्ज । बैदेशिक रोजगारीमा रहेका कामदार र कामदारका परिवारको उचित संरक्षण गर्ने उद्देश्यले सञ्चालित सुरक्षित आप्रवासन (सामी) कार्यक्रमले आज नेपालगञ्जमा अन्तरक्रिया गरेको छ । बाँकेमा नेपालगञ्ज उपमहानगरपालिका, कोहलपुर नगरपालिका, खजुरा गाउँपालिका र बैजनाथ गाउँपालिकामा सामी कार्यक्रम सञ्चालित छ ।

सामी कार्यक्रमका बाँके संयोजक कमलसिंह नेपालीले बाँके र नेपालगञ्ज उपमहानगरपालिकामा हालसम्म प्राप्त उपलब्धिबारे जानकारी गराएका थिए । नेपालगञ्ज उपमहानगरपालिकाका नगर प्रमुख प्रशान्त विष्ट, उपप्रमुख कमरुद्दिन राई, वडा अध्यक्ष, कार्यपालिका सदस्य लगायत विभिन्न शाखाका प्रमुखहरु सहभागी अन्तरक्रिया कार्यक्रममा बैदेशिक रोजगार बोर्डकी बाँके र कैलालीकी कार्यक्रम अधिकृत लक्ष्मी चौधरीले हालसम्मको अवस्था, स्थानीय सरकारबाट गरिएको अपेक्षा तथा बैदेशिक रोजगारीबाट समाजले हासिल गरेका लाभ र व्यहोरेको अप्ठ्याराहरुका विषयमा प्रस्तुतिकरण गरेकी थिइन् ।

No description available.

कार्यक्रमको समापन गर्दै नेपालगञ्ज उपमहानगरपालिकाका उपप्रमुख राईले यो कार्यक्रमले बैदेशिक रोजगारीमा रहेकाहरुलाई जोखिमबाट बचाउन सहयोग पुग्ने विश्वास व्यक्त गरे । उनले विदेश जानै पर्दा सीप सिकेर मात्र जान आग्रह गर्दैै अन्यथा दुःख व्यहार्ने अवस्था सिर्जना हुने बताए । सुरक्षित आप्रवासनका लागि आफूहरु गम्भीर र संवेदनशील रहेको राईको भनाई छ ।

No description available.

सामाजिक विकास अधिकृत कृष्णप्रसाद जोशीले सहजीकरण गरेको कार्यक्रममा सामी कार्यक्रमकी मनोविमर्शकर्ता पूजा भण्डारीले बैदेशिक रोजगारीका कारण सिर्जित मानसिक विक्षिप्ततालाई सम्बोधन गर्ने गरी भइरहेका प्रयासहरुबारे पनि जानकारी गराएकी थिइन् । बैदेशिक रोजगारीमा रहेका कामदार र कामदारका परिवारको उचित संरक्षण गर्ने, गन्तब्य मुलुकमा सुरक्षित र सम्मानजनक रुपमा काम गर्न सक्ने गरी कामदारलाई सूचना, सीप, परामर्श लगायतका सहयोग प्रदान गर्ने, बैदेशिक रोजगारीमा सम्बद्ध निकायहरुको क्षमता अभिबृद्धि गरी बैदेशिक रोजगारलाई थप उपलब्धिमूलक बनाउने उद्देश्यका साथ मुलुकभरका १५६ स्थानीय तहमा सामी कार्यक्रम सञ्चालित छ ।

No description available.

सामी कार्यक्रम नेपाल सरकार र स्वीस सरकारको द्विपक्षीय सम्झौता अन्तर्गत सञ्चालनमा छ । यो कार्यक्रम श्रम, रोजगार तथा सामाजिक सुरक्षा मन्त्रालय र स्थानीय सरकारको नेतृत्वमा कार्यान्वयन भइरहेको छ । कार्यक्रमलाई स्वीस सरकार विकास सहयोगको तर्फबाट हेल्भेटास नेपालले प्राविधिक सहयोग उपलब्ध गराइरहेको छ ।

No description available.