उपराष्ट्रपतिमा आफू निर्वाचित बने संविधानको रक्षा गर्नेछु: रामसहाय यादव

राजनीति

गृहपृष्ठ
राजनीति
उपराष्ट्रपतिमा आफू निर्वाचित बने संविधानको रक्षा गर्नेछु: रामसहाय यादव

उपराष्ट्रपतिमा आफू निर्वाचित बने संविधानको रक्षा गर्नेछु: रामसहाय यादव

शुक्रबार, चैत ३, २०७९ बागेश्वरी पोस्ट

नेपालगन्ज । जनता समाजवादी पार्टी (जसपा) बाट गठबन्धनका उपराष्ट्रपतिका उम्मेदवार रामसहायप्रसाद यादवले आफू निर्वाचित बने संविधानको रक्षा र राष्ट्रिय एकताको प्रवर्द्धनमा गर्नेमा जोड दिने बताएका छन्।

आज उपराष्ट्रपतिका लागि नयाँ बानेश्वरमा मतदान गर्दै पत्रकारहरुसँगको कुराकानीमा संविधानको पालना गर्ने कुरालाई आफूले पहिलो प्राथमिकतामा राख्ने यादवले बताए।

'नेपाललाई समतामुलक समृद्ध मुलुकको रुपमा विकसित गर्न मेरो भूमिका रहनेछ । म इमान्दारितापूर्वक जनताको पक्षमा काम गर्नेछु’ उम्मेदवार यादवले भने।

‘गठबन्धनको तर्फबाट सर्वसम्मत उम्मेदवार म नै हो। अब हाम्रो पूर्ण विश्वास छ, गठबन्धनका सबै सदस्यहरुले मत दिएर मलाई जिताउनु हुनेछ’, उनले भने।

उपराष्ट्रपतिका उम्मेदवारमा उनीसहित नेकपा एमालेबाट अष्टलक्ष्मी शाक्य ,जनमत पार्टीबाट ममता झा र जसपाबाटै अर्की उम्मेदवार प्रमिला कुमारी यादव छिन् । तर गठबन्धनले जसपाका दुई उम्मेदवार मध्ये रामसहायलाई मतदान गर्ने निर्णय गरेको छ।

प्रकाशित मिति: शुक्रबार, चैत ३, २०७९ ११:२६