उपराष्ट्रपतिमा रामसहाय प्रसाद यादव निर्वाचित

राजनीति

गृहपृष्ठ
राजनीति
उपराष्ट्रपतिमा रामसहाय प्रसाद यादव निर्वाचित

उपराष्ट्रपतिमा रामसहाय प्रसाद यादव निर्वाचित

शुक्रबार, चैत ३, २०७९ बागेश्वरी पोस्ट

नेपालगन्ज । आज भएको उपराष्ट्रपति निर्वाचनमा रामसहाय प्रसाद यादव निर्वाचित भएका छन् ।

यादवले ३० हजार ३२८ मतभार पाएर देशको तेस्रो उपराष्ट्रपतिमा निर्वाचित भएका छन् । उनले १८४ संघीय सांसद र ३२९ प्रदेश सांसदको मत पाएर उपराष्ट्रपतिमा निर्वाचित भएका हुन् ।

उनका निकटतम् प्रतिस्पर्धी एमाले उम्मेदवार अष्टलक्ष्मी शाक्यले प्रदेशतर्फ ८ हजार ११२ र संघीय संसद्‌तर्फ ८ हजार २१६ गरी कुल १६ हजार ३२८ मत प्राप्त गरिन् ।

जनमतबाट उपराष्ट्रपतिकी उम्मेदवार ममता झाले प्रदेशतर्फ ७२० र संघतर्फ १ हजार ८१७ गरी २ हजार ५३७ मतभार प्राप्त गरेको निर्वाचन अधिकृतको कार्यालयले जनाएको छ ।

यस्तै जसपाबाट उपराष्ट्रपतिकी अर्की उम्मेदवार प्रमिला कुमारीले प्रदेशतर्फ ४८ मतभार अर्थात् १ सांसदको मत पाएकी छिन् । सत्ता गठबन्धनको आधिकारिक उम्मेदवार रामसहाय बनेकाले प्रमिलाले आफ्नो उम्मेदवारी निष्क्रिय भएको घोषणा गरेकी थिइन् ।

यादव निर्वाचित भएसँँगै देशको तेस्रो उपराष्ट्रपति भएका छन् । यसअघि प्रमानन्द झा पहिलो र नन्द किशोर पुन दोस्रो उपराष्ट्रपति भएका थिए।

प्रकाशित मिति: शुक्रबार, चैत ३, २०७९ १६:५१

प्रतिक्रिया दिनुहोस्