उपेन्द्र यादवलाई बारा २ को उपनिर्वाचनमा जाने बाटो खुल्यो

राजनीति

गृहपृष्ठ
राजनीति
उपेन्द्र यादवलाई बारा २ को उपनिर्वाचनमा जाने बाटो खुल्यो

उपेन्द्र यादवलाई बारा २ को उपनिर्वाचनमा जाने बाटो खुल्यो

शुक्रबार, चैत ३, २०७९ बागेश्वरी पोस्ट

नेपालगन्ज । जनता समाजवादी पार्टी (जसपा) का अध्यक्ष उपेन्द्र यादवलाई उपनिर्वाचनमा उम्मेदवार बन्ने बाटो खुल्ने सम्भावना भएको छ ।

आज जसपाबाट उम्मेदवार बनेका रामसहाय प्रसाद यादव उपराष्ट्रपतिमा निर्वाचित बनेपछि अध्यक्ष यादवलाई बारा क्षेत्र नम्बर २ बाट चुनाव लड्ने बाटो देखिएको हो ।

नेपालको संविधान अनुसार कुनै पनि व्यक्ति उपराष्ट्रपति निर्वाचित भएपछि सांसद पद त्याग गर्नुपर्ने हुँदा उपराष्ट्रपतिमा निर्वाचित रामसहायको बारा क्षेत्र नम्बर २ रिक्त भएको छ ।

गत मंसिरमा सप्तरी क्षेत्र नम्बर २ मा सम्पन्न भएको निर्वाचनमा जनमत पार्टीका अध्यक्ष डा. सिके राउतसँग पराजित भएका अध्यक्ष यादवले सांसदमा प्रवेश गर्ने दाउको खोजिम रहेको अवस्थामा रामसहाय उपराष्ट्रपतिमा निर्वाचित भएपछि उनको त्यो सपना साकार हुने प्रवल सम्भावना देखिएको हो ।

अध्यक्ष यादव सत्ता गठबन्धनबाट सहमति भएमा बारा २ को उम्मेदवार बन्न सक्ने देखिएको हो । त्यहाँबाट उपनिर्वाचनमा उम्मेदवार बनेर जितेमा उनको पुनः सांसद छिर्ने सपना पूरा हुनेछ ।

प्रकाशित मिति: शुक्रबार, चैत ३, २०७९ १८:४८