नेपाली कांग्रेस नेपालगञ्ज वडा नम्बर २ को वडा सम्मेलन सम्पन्न

राजनीति

गृहपृष्ठ
राजनीति
नेपाली कांग्रेस नेपालगञ्ज वडा नम्बर २ को वडा सम्मेलन सम्पन्न

नेपाली कांग्रेस नेपालगञ्ज वडा नम्बर २ को वडा सम्मेलन सम्पन्न

शुक्रबार, चैत ३, २०७९ बागेश्वरी पोस्ट

नेपालगञ्ज । नेपाली कांग्रेस नेपालगञ्ज उपमहानगरपालिका वडा नम्बर २ को वडा सम्मेलन आज सम्पन्न भएको छ ।

वडा सभापति प्रदिप श्रेष्ठको अध्यक्षता एवम् लुम्बिनी प्रदेशका निवर्तमान सांसद सुरेन्द्रबहादर हमालको सभापतित्वमा सम्पन्न सम्मेलनमा सचिव हिमनाथ पौडेलले प्रस्तुत गरेको सांगठनिक प्रतिवदेन सुझावसहित पारित गरेको छ । यस्तै कोषाध्यक्ष विष्णु श्रेष्ठले प्रस्तुत गरेको आर्थिक प्रतिवेदन सर्वसम्मतिले पारित भएको सचिव पौडलले जानकारी दिए ।

No description available.

सम्मेलनलाई सम्बोधन गर्दै प्रमुख अतिथि हमालले गुट उपगुट त्यागेर पार्टीलाई एकजुट बनाउनतर्फ लाग्न आग्रह गरे । उनले टोल समितिहरुलाई समेत सक्रिय बनाई संगठनलाई चलायमान बनाउन समेत आग्रह गरे । वडा सम्मेलनमा नेपाली कांग्रेस बाँकेका उपसभापति गोपालप्रसाद अधिकारी, सचिव सुधांशु कोइराला, क्षेत्र नम्बर २ का क्षेत्रीय सभापति रमेशकुमार गुप्ता, प्रदेश २(२) का सभापति जितेन्द्रबहादुर हमाल, क्षेत्रीय सचिव सुनिलसिंह हमाल, पूर्व जिल्ला कोषाध्यक्ष अच्युत प्रसाईं, प्रजातान्त्रिक उद्योगी व्यवसायिक संघ बाँकेका अध्यक्ष सञ्जय थापा लगायत उपस्थित थिए ।

वडा सम्मेलनमा प्रजातन्त्र सेनानी रहमत अली, प्रजातान्त्रिक उद्योगी व्यवसायी संघको जिल्ला र नगरको नवनिर्वाचित कार्यसमिति तथा चुनावका बेला आर्थिक सहयोग गर्ने दाताहरुलाई सम्मान गरिएको वडा सचिव पौडेलले जानकारी दिए ।

No description available.