नेपालगञ्ज-१९ कण्ठीपुरमा आलानगर खानेपानी आयोजना उद्घाटन

समाचार

गृहपृष्ठ
समाचार
नेपालगञ्ज-१९ कण्ठीपुरमा आलानगर खानेपानी आयोजना उद्घाटन

नेपालगञ्ज-१९ कण्ठीपुरमा आलानगर खानेपानी आयोजना उद्घाटन

स्वच्छ र गुणस्तरीय खानेपानी जनताको घरघरमा पुर्याउन सरकार प्रतिबद्ध छ-मन्त्री खान

शनिबार, चैत ४, २०७९ बागेश्वरी पोस्ट

रविन्द्र घिमिरे/नेपालगञ्ज । खानेपानी मन्त्री अब्दुल खानले स्वच्छ र गुणस्तरीय खानेपानी जनताको घरघरमा पुर्याउन नेपाल सरकार प्रतिबद्ध रहेको बताएका छन् ।

नेपाल खानेपानी संस्थान, नेपालगञ्ज शाखा अन्तर्गत नेपालगञ्ज उपमहानगरपालिका वडा नम्बर १९ कण्ठीपुरमा नवनिर्मित आलानगर खानेपानी आयोजनाको आज उद्घाटन गर्दै खानेपानी मन्त्री खानले स्वच्छ, गुणस्तरीय खानेपानी र सरसफाईलाई साझा र प्रमुख लक्ष्य मानेर सरकारले काम गरिरहेको बताए । उनले स्वच्छ खानेपानी उपभोग गर्न पाउनु नागरिकको मौलिक हक भएको बताउँदै सरकारको स्प्रिरिट अनुसार खानेपानी संस्थानले सकारात्मक पहलकदमी लिइरहेको बताए । मन्त्री खानले कुनै विभेद नगरी सबै नागरिकले समानरुपले खानेपानी उपभोग गर्न पाउने अवस्था सिर्जना गर्न सरकार प्रतिबद्ध रहेको बताए ।

कुल रकम ९ करोड १३ लाख मध्ये ८६ किलोमिटर पाइपलाइन विस्तार, खरिद तथा जडान, ओभरहेड पानी ट्याङ्की, डिप ट्युवेल , कम्पाउन्डर वाल, पम्प अपरेटर भवन, पम्प हाउस लगायतका संरचना निर्माण भएको खानेपानी संस्थान नेपालगञ्ज शाखाका प्रशासन प्रमुख बुद्धिप्रकाश केसीले बताए ।

कार्यक्रममा नेपालगञ्ज उपमहानगरपालिकाका नगर प्रमुख प्रशान्त विष्ट, वडा नम्बर १९ का वडा अध्यक्ष प्रशुराम वर्मा, वडा सदस्यहरु, नेपाल खानेपानी संस्थान कर्मचारी सङ्घका केन्द्रीय अध्यक्ष केदार धमला, नेपाल खानेपानी संस्थान नेपालगञ्ज शाखाका प्रशासन प्रमुख केसी लगायत कर्मचारीहरुको उपस्थिति रहेको थियो ।

प्रकाशित मिति: शनिबार, चैत ४, २०७९ १६:५०

प्रतिक्रिया दिनुहोस्