देशभरका १३ क्याम्पसमा स्ववियु चुनाव स्थगित

राजनीति

गृहपृष्ठ
राजनीति
देशभरका १३ क्याम्पसमा स्ववियु चुनाव स्थगित

देशभरका १३ क्याम्पसमा स्ववियु चुनाव स्थगित

आइतबार, चैत ५, २०७९ बागेश्वरी पोस्ट

नेपालगन्ज । आज स्वतन्त्र विद्यार्थी युनियन (स्ववियु ) को निर्वाचन हुँदैछ।

उपत्यकाका सबैजसो क्याम्पसमा मतदान भइरहे पनि देशभरिका ६२ आङ्गिक क्याम्पसमध्ये १३ क्याम्पसमा निर्वाचन प्रक्रिया स्थगित भएको छ ।

विद्यार्थी सङ्गठनबीच विवाद हुँदा उपत्यकाका केही क्याम्पससहित निर्वाचन प्रक्रिया रोकिएको छ । उपत्यकामा आरआर क्याम्पस, अमृत साइन्स क्याम्पस, पाटन संयुक्त क्याम्पस, नेपाल कमर्स क्याम्पस र विश्वभाषा क्याम्पसमा निर्वाचन प्रक्रिया अबरुद्ध रहेको छ । नेपाल कमर्स क्याम्पसमा हिजो अन्तिम समयमा आएर निर्वाचन रोकिएको हो ।

यस्तै सबैभन्दा धेरै विद्यार्थी भएको पोखराको पृथ्वीनारायण क्याम्पस, पश्चिमाञ्चल इञ्जीनियरिङ क्याम्पस, पोखरा वन क्याम्पस, पोखरा नर्सिङ क्याम्पस, ठाकुरराम बहुमुखी क्याम्पस वीरगन्जमा निर्वाचन प्रक्रिया रोकिएको छ ।

त्यस्तै चितवनको वीरेन्द्र बहुमुखी क्याम्पस, धवलागिरि बहुमुखी क्याम्पस बागलुङ र सिद्धनाथ साइन्स बहुमुखी क्याम्पसमा निर्वाचन प्रक्रिया रोकिएको छ । यस्तै त्रिचन्द्र क्याम्पसमा यही चैत ९ गतेका लागि तोकिएको छ ।

प्रकाशित मिति: आइतबार, चैत ५, २०७९ १०:३८

प्रतिक्रिया दिनुहोस्