नेपालगञ्ज नर्सिङ क्याम्पसको स्ववियु अध्यक्षमा दिपिका सोनी निर्वाचित

राजनीति

गृहपृष्ठ
राजनीति
नेपालगञ्ज नर्सिङ क्याम्पसको स्ववियु अध्यक्षमा दिपिका सोनी निर्वाचित

नेपालगञ्ज नर्सिङ क्याम्पसको स्ववियु अध्यक्षमा दिपिका सोनी निर्वाचित

आइतबार, चैत ५, २०७९ बागेश्वरी पोस्ट

नेपालगञ्ज । त्रिभुवन विश्वविद्यालय अन्तर्गत नेपालगञ्ज नर्सिङ क्याम्पसको स्ववियु अध्यक्षमा दिपिका सोनाी निर्वाचित भएकी छिन् । आज भएको स्ववियु निर्वाचनबाट संयुक्त प्यानलकी दिपीका सोनी अध्यक्षमा निर्वाचित भएकी हुन् । उनी अखिल क्रान्तिकारीकी हुन् ।

नेपाली कांग्रेस निकट नेविसंघ, नेकपा माओवादी केन्द्र निकट अखिल क्रान्तिकारी र नेकपा एस निकट अनेरास्ववियुको संयुक्त प्यानल चुनावी मैदानमा उत्रिएको थियो । सोनीले नेकपा एमाले निकट अनेरास्ववियुका तर्फबाट अध्यक्ष पदकी उम्मेदवार निलिमा गिरीलाई ३ मत अन्तरले पराजित गरेकी छिन् । सोनीले ८१ मत प्राप्त गरेकी छिन् भने गिरीले ७८ मत प्राप्त गरिन् । निर्वाचनमा १ सय ६१ मत खसेको थियो ।

संयुक्त प्यानलबाट कोषाध्यक्षमा नेविसंघकी रेलुसा खत्री निर्वाचित भएकी छिन् । सचिव पदमा भने अनेरास्ववियुकी देवार्चना अधिकारी निर्वाचित भएकी छिन् । सदस्य पदमा संयुक्त प्यानलकी रश्मी अधिकारी तथा अनेरास्ववियुबाट इशा पौडेल र बिनिता बेल्वासे निर्वाचित भएका छन् ।

No description available.