बाँकेका चार क्याम्पसको स्ववियु नतिजा सार्वजनिक

राजनीति

गृहपृष्ठ
राजनीति
बाँकेका चार क्याम्पसको स्ववियु नतिजा सार्वजनिक

बाँकेका चार क्याम्पसको स्ववियु नतिजा सार्वजनिक

दुई क्याम्पसमा अनेरास्ववियु, नेविसंघ र अखिल क्रान्तिकारी एक-एकमा विजयी

सोमबार, चैत ६, २०७९ बागेश्वरी पोस्ट

नेपालगञ्ज । बाँकेमा स्ववियु निर्वाचन सम्पन्न भएका चार क्याम्पसमध्ये दुई वटामा एमाले निकट अनेरास्ववियु तथा एक-एक क्याम्पसमा कांग्रेस निकट नेविसंघ र माओवादी निकट अखिल क्रान्तिकारीले जीत हासिल गरेका छन् ।

कोहलपुरको बागेश्वरी बहुमुखी क्याम्पस र खजुराको ज्ञानोदय बहुमुखी पब्लिक क्याम्पसमा अनेरास्ववियुले प्यानलसहित जीत हासिल गरेको छ । बागेश्वरीमा देवेन्द्रबहादुर बुढा र ज्ञानोदयमा विनयकुमार यादवको प्यानल नै निर्वाचित भएको हो ।

No description available.

नेपालगञ्जको नर्सिङ क्याम्पसमा भने अखिल क्रान्तिकारी र नेविसंघको संयुक्त प्यानलबाट क्रान्तिकारीकी दिपिका सोनी अध्यक्षमा विजयी भएकी छिन् । सचिवमा भने अनेरास्ववियुकी देवार्चना अधिकारी विजयी भइन् ।

No description available.

राप्तीसोनारीको फत्तेपुरस्थित जनसिद्धेश्वर बहुमुखी पब्लिक क्याम्पसमा नेविसंघकी निरा थारु विजयी भएकी छिन् । नेविसंघले नागरिक बिद्यार्थी समाज र अखिल नेपाल राष्ट्रिय स्वतन्त्र बिद्यार्थी युनियनसंग गठबन्धन गरेको थियो ।

No description available.

यस क्षेत्रकै ठूलो महेन्द्र बहुमुखी क्याम्पसमा भने चैत्र ८ गते निर्वाचन हुने भएको छ । महेन्द्रमा नेविसंघका जीवनराज सुवेदी र अनेरास्ववियुका माधव खत्रीको प्यानलबीच मुख्य प्रतिष्पर्धा छ ।

प्रकाशित मिति: सोमबार, चैत ६, २०७९ १०:३९

प्रतिक्रिया दिनुहोस्