प्रधानमन्त्री प्रचण्डले पाए विश्वासको मत

राजनीति

गृहपृष्ठ
राजनीति
प्रधानमन्त्री प्रचण्डले पाए विश्वासको मत

प्रधानमन्त्री प्रचण्डले पाए विश्वासको मत

१७२ जना सांसदले दिए विश्वासको मत

सोमबार, चैत ६, २०७९ बागेश्वरी पोस्ट

नेपालगन्ज । प्रधानमन्त्री पुष्पकमल दाहाल 'प्रचण्ड' ले दोस्रो पटक विश्वासको मत पाएका छन् । प्रतिनिधिसभाको बैठकमा आज भारी बहुमतसहित विश्वासको मत पाएका हुन् ।

बैठकमा उपस्थित २६२ सांसदहरुमध्ये विश्वासको प्रस्तावको १७२ पक्षमा र विपक्षमा ८९ मत परेको थियो । र, मत दिन्न भन्ने पक्षमा १ मत परेको छ ।

एमाले र राप्रपाले भने 'प्रचण्ड' लाई विश्वासको मत दिएनन् । राप्रपा र एमालेकै कारणले दोस्रो पटक 'प्रचण्ड' ले दुई महिनापछि नै विश्वासको मत लिनुपरेको हो ।

पुस १० गते तेस्रो पटक प्रधानमन्त्री भएका 'प्रचण्ड' ले गत पुस २६ गते उनले २ सय ७५ कुल सदस्य सङ्ख्या रहेको संसदबाट उपस्थित २ सय ७० सांसदमध्ये २ सय ६८ मत प्राप्त गरेका थिए । उनको विपक्षमा दुई मत मात्रै परेको थियो ।

प्रकाशित मिति: सोमबार, चैत ६, २०७९ १७:५१

प्रतिक्रिया दिनुहोस्