कांग्रेस केन्द्रीय सदस्य शिवाकोटी र मेरिल्याण्ड राज्यसभाका सदस्य भण्डारीबीच छलफल

राजनीति

गृहपृष्ठ
राजनीति
कांग्रेस केन्द्रीय सदस्य शिवाकोटी र मेरिल्याण्ड राज्यसभाका सदस्य भण्डारीबीच छलफल

कांग्रेस केन्द्रीय सदस्य शिवाकोटी र मेरिल्याण्ड राज्यसभाका सदस्य भण्डारीबीच छलफल

मंगलबार, चैत ७, २०७९ बागेश्वरी पोस्ट

नेपालगन्ज । नेपाली कांग्रेसका केन्द्रीय सदस्य अजयबाबु शिवाकोटीले नेपाली मुलका अमेरिकाको मेरिल्याण्ड राज्यसभाका सदस्य ह्यारि भण्डारीसँग छलफल गरेका छन् ।

अमेरिकामा भइरहेको इन्टरनेसनल भिजिटर्स लिडरशिप प्रोग्राम (आईभीएलपी) कार्यक्रममा सहभागी हुन अमेरिकामा रहेका शिवाकोटीले दोस्रो पटक राज्यसभा बन्न सफल भण्डारीसँग अमेरिका र नेपालको राजनीतिका बारेमा छलफल गरेका हुन् ।

अमेरिकी सरकारको सौजन्यमा आयोजनामा भइरहेको उक्त कार्यक्रममा सहभागी हुन नेपालको प्रतिनिधित्व गर्दै शिवाकोटी अमेरिका आएका हुन् । तीन हप्ते कार्यक्रम चार वटा राज्यमा गरिने शिवाकोटीले जनाएका छन् ।

उनीसँग उनको समूहमा २१ देशका प्रतिनिधिहरु रहेका छन् । अमेरिकाका चार राज्यमा हुने सो कार्यक्रम वासिङटन डीसीबाट शुरु भएको हो । त्यसपछि उनको समूहको यात्रा आयोबा, क्यालिफोर्निया एरिजोनामा पुगेर टुङ्गिनेछ ।

आईभीएलपी कार्यक्रम अन्तर्गत शिवाकोटी सहभागी कार्यक्रम ‘ट्रान्सपरेन्सी एन्ड एकाउन्टिबिलिटी इन गभरमेन्ट’ हो । राजनीतिक, सामाजिक तथा अन्य क्षेत्रमा योगदान पुर्याएका व्यक्तिहरु यो कार्यक्रममा सहभागी हुन पाउँछन् ।

शिवाकोटी सबैभन्दा बढी नेपाली भएको न्यूयोर्कमा समेत राजनीतिक भेटघाट सकेर अप्रिल तेस्रो साता नेपाल फर्कनेछन् ।

प्रकाशित मिति: मंगलबार, चैत ७, २०७९ १०:४६