मेरो उम्मेदवारी व्यवसायीक सुरक्षा,हकहित र वाणिज्य संघको गरिमा जोगाउनलाई: ललित रौनियार

राजनीति

गृहपृष्ठ
राजनीति
मेरो उम्मेदवारी व्यवसायीक सुरक्षा,हकहित र वाणिज्य संघको गरिमा जोगाउनलाई: ललित रौनियार

मेरो उम्मेदवारी व्यवसायीक सुरक्षा,हकहित र वाणिज्य संघको गरिमा जोगाउनलाई: ललित रौनियार

नेपालगन्ज उधोग बाणिज्य संघ निर्वाचन-

बुधबार, माघ ८, २०७६ बागेश्वरी पोस्ट

नेपालगन्ज । यहि माघ ११ गते नेपालगन्ज उधोग बाणिज्य संघको निर्वाचन हुदैछ । यसै निर्वाचनमा साझा प्रजातान्त्रिक उधोगी ब्यबसायी समुहका तर्फबाट अध्यक्ष उम्मेदवार हुनुहुन्छ ललित रौनियार । के छ उहाँको योजना.....

आफ्नो उम्मेदवारी औचित्य पुष्टि गर्दै ललितकुमार रौनियार भन्छन्–‘समग्र नेपालगन्जको उद्योग र व्यवसाय फस्टायमात्र उद्योगी व्यवसायीहरुको लगानी सुरक्षित हुन्छ ।

मेरो उम्मेदवारी व्यवसायीक सुरक्षा, हकहित र नेपालगन्ज उद्योग बाणिज्य संघको गरिमा जोगाउनका लागि हो ।’ उनले यसो भनिरहँदा किनेमलका लागि नेपाली उपभोक्ताको रोजाइँ सीमावर्ति रुपैडियाँ बजार हुँदा नेपालगन्जका उद्योगी व्यवसायी मारमा पर्दै आएकोतर्फ इंकित थियो। नेपाली उपभोक्तालाई नेपालगन्जमै रोक्न नेपालगन्ज उद्योग बाणिज्य संघले नेतृत्वदायी र प्रभावकारी कदम चाल्न नसक्नु हो ।

आम उद्योगी व्यवसायीको गुनासो छ संघले व्यवसायीहरुका सवालमा प्रभावकारी ढंगले भूमिका निर्वाह गर्न सकेन् । उद्योगी व्यवसायीहरुको यही गुनासो चिर्नका लागि नेतृत्वमा आउन चाहेको रौनियार बताउँछन् । निडर र हकी स्वभावका रौनियार स्पष्ट वक्ताका रुपमा परिचित छन् । यही स्वभावका कारण रौनियारले व्यवसायीहरुका मुद्दा स्पष्टसँग सम्वन्धित ठाउँमा पु¥याएर नतिजा निकाल्ने यसक्षेत्रका अगुवा उद्योगी व्यवसायीहरुको बुझाई छ ।

करिव ३० बर्षदेखि व्यावसायीक क्षेत्रमा सक्रिय रौनियार दमयन्ती इजी मार्ट एण्ड डिपार्टमेन्टल स्टोर फर्म सन्चालक हुन् । व्यावसायीक संगठनहरुमा विभिन्न तह तप्कामा रहेर नेतृत्व गरिसकेका रौनियार नेपालगन्जका सम्पूर्ण उद्योगी व्यवसायीमाझ परिचित छन् । नेपालगन्ज उपमहानगरपालिका ३ बागेश्वरी टोल, हाल वडा नम्वर १८ कारकाँदोमा बस्दै आएका रौनियारले उद्योगी व्यवसायीको हकहित र अधिकारको सवालमा नेतृत्वदायी भूमिका निर्वाह गर्दै आएका छन्।

नेपालगन्ज उद्योग बाणिज्य संघमा रहदा उनले महत्वपूर्ण जिम्मेवारी कुशलता पूर्वक निर्वाह गरेको यहाँका अगुवा उद्योगी व्यवसायीहरु बताउँछन् । नेपालगन्ज उद्योग बाणिज्य संघको कार्यसमिति सदस्य, पूर्व बरिष्ठ कार्यसमिति सदस्यको जिम्मेवारी निर्वाह गरेका रौनियार नेपाल वितरक महासंघ काठमाडौंका पूर्व उपाध्यक्ष, नेपालगन्ज वितरण संघको संस्थापक अध्यक्ष हुन् । उद्योग व्यवसायसँगै रौनियारले सामाजिक क्षेत्रमा समेत योगदान दिएका छन् ।

शिक्षा, स्वास्थ्य तथा सांस्कृतिक क्षेत्रमा रौनियारको महत्वपूर्ण योगदान छ। नेपाल चीन शैक्षिक तथा सांस्कृतिक परिषदको केन्द्रीय सदस्य, नेपालगन्ज नगर विकास समितिका पूर्व अध्यक्ष पदमा रहेर आफ्नो जिम्मेवारी कुशलतापूर्वक निर्वाह गरिसकेका ललित रौनियार आगामी माघ ११ गते हुने नेपालगन्ज उद्योग बाणिज्य संघको निर्वाचनका लागि साझा प्रजातान्त्रिक उद्योगी व्यावसायी समूहको तर्फबाट अध्यक्ष पदका उम्मेदवार हुन् ।

प्रकाशित मिति: बुधबार, माघ ८, २०७६ ०८:०१

प्रतिक्रिया दिनुहोस्