महेन्द्र बहुमुखीमा कसले मार्ला बाजी ?

राजनीति

गृहपृष्ठ
राजनीति
महेन्द्र बहुमुखीमा कसले मार्ला बाजी ?

महेन्द्र बहुमुखीमा कसले मार्ला बाजी ?

४१९० मध्ये १६९२ मत खस्यो

बुधबार, चैत ८, २०७९ बागेश्वरी पोस्ट

नेपालगञ्ज । नेपालगञ्जस्थित महेन्द्र बहुमुखी क्याम्पसमा स्ववियु निर्वाचनको मतदान सकिएको छ । अब केहीबेरमा मतगणना सुरु हुनेछ । निर्वाचन समितिका अनुसार ४१९० मतमध्ये १६९२ मत खसेको छ । विहान ८ बजेदेखि सुरु भएको मतगणना अपरान्ह ४ बजेसम्म चलेको थियो ।

निर्वाचनमा नेविसंघ र अनेरास्ववियुबीच प्रतिष्पर्धा छ । नेविसंघले नागरिक उन्मुक्ति पार्टीको विद्यार्थी संगठनसंग तालमेल गर्दा बाँकी सबै विद्यार्थी संगठन अनेरास्ववियुसंग संयुक्त गठबन्धनमा छन् ।

सभापतिमा नेविसंघबाट जीवनराज सुवेदी र अनेरास्ववियुबाट माधब खत्री चुनावी प्रतिष्पर्धामा छन् । यस्तै अखिल क्रान्तिकारी विद्यार्थी संघबाट भावना थापा, अखिल नेपाल राष्टिय स्वतन्त्र विद्यार्थी युनियन (क्रान्तिकारी) बाट सुजन परियार र स्वतन्त्र उम्मेदवार मुकेशसिंह कुँवर पनि सभापतिका उम्मेदवार छन् ।

सचिवमा नेविसंघबाट नर्देव थारु तथा संयुक्त प्यानलबाट हरेन्द्रबहादुर विक प्रतिष्पर्धामा छन् । यस्तै कोषाध्यक्षमा नेविसंघबाट देवी रेग्मी र संयुक्त प्यानलबाट भरत बुडथापाबीच प्रतिष्पर्धा छ । प्रत्यक्षतर्फ अध्यक्ष, सचिव, कोषाध्यक्ष र आठ जना सदस्यका लागि निर्वाचन भएको छ भने बाँकी पदमा समानुपातिक प्रणालीबाट मतदान भएको निर्वाचन समितिले जनाएको छ ।

यस क्षेत्रको ठूलो र पुरानो क्याम्पस भएकाले पनि यहाँको निर्वाचनलाई चासोका साथ हेरिएको छ ।

प्रकाशित मिति: बुधबार, चैत ८, २०७९ १८:१८

प्रतिक्रिया दिनुहोस्