नेपालगञ्जमा विपद जोखिम न्यूनीकरण सम्बन्धि सडक नाटक देखाइँदै

समाचार

गृहपृष्ठ
समाचार
नेपालगञ्जमा विपद जोखिम न्यूनीकरण सम्बन्धि सडक नाटक देखाइँदै

नेपालगञ्जमा विपद जोखिम न्यूनीकरण सम्बन्धि सडक नाटक देखाइँदै

बिहीबार, चैत ९, २०७९ बागेश्वरी पोस्ट

नेपालगञ्ज । नेपालगञ्जमा विपद जोखिम न्यूनीकरणसम्बन्धि जनचेतनामूलक सडक नाटक प्रदर्शन गरिँदै आइएको छ । भूकम्प र आगलागीको उच्च जोखिममा रहेका वडा नम्बर ३ र ७ का विभिन्न वस्तीहरुमा जनचेतनामूलक नाटक प्रदर्शन गरिँदै आइएको हो । शहरी विपद तथा भूकम्पीय पूर्व तयारी परियोजना (सुपर प्रोजेक्ट) को आयोजनामा सडक नाटक भइरहेका छन् ।

No description available.

विपद पूर्वको तयारी, अपनाउनुपर्ने सावधानी, उद्दार, विपद प्रतिकार्य, क्षती न्यूनीकरण लगायतका विषयबस्तुलाई समेटेर सडक नाटक देखाइरहेको आपतकालीन कार्य सञ्चालन केन्द्रका सूचना व्यवस्थापन अधिकृत रुपन ज्ञवालीले बताए । आज वडा नम्बर ३ को लखेरन टोल र वडा नम्बर ७ को प्रगतिमार्गमा भूकम्प तथा आगलागीको जोखिम न्यूनीकरण र विपदका बेला गर्नुपर्ने प्रभावकारी उद्दारका विषयमा सडक नाटक देखाइएको छ । स्थानीयले चाखपूर्वक नाटक हेरेका थिए । विपद जोखिम न्यूनीकरणका लागि नाटक प्रभावकारी भएको स्थानीयको भनाई छ ।

नेपालगञ्ज उपमहानगरपालिकाको समन्वयमा सुपर कार्यक्रमले सहयात्री नेपालका कलाकारहरुसंगको सहकार्यमा नाटक प्रदर्शन गरिरहेको छ । युरोपियन युनियनको आर्थिक सहयोग तथा युएनडिपी, युनिसेफ र युएन ओमनको साझेदारी र नेपाल रेडक्रस सोसाइटीको प्राविधिक सहयोगमा सुपर प्रोजेक्ट सञ्चालित छ । नेपालगञ्जको वडा नम्बर ३ र ७ मा सुपर प्रोजेक्ट सञ्चालन भइरहेको छ ।

No description available.