हेलिकप्टरका तीन पाइलट निलम्बनमा

समाचार

गृहपृष्ठ
समाचार
हेलिकप्टरका तीन पाइलट निलम्बनमा

हेलिकप्टरका तीन पाइलट निलम्बनमा

शुक्रबार, चैत १०, २०७९ बागेश्वरी पोस्ट

नेपालगन्ज । नेपाल नागरिक उड्डयन प्राधिकरणले तीन जना हेलिकप्टरका पाइलटलाई निलम्बन गरेको छ । एयर ट्राफिक कन्ट्रोलर (एटीसी) सँग अश्लिल शब्द बोल्ने ‘नेगेटिभ कन्भर्सेसन गर्ने’ एक पाइलटलाई निलम्बन गरेको छ ।

प्राधिकरणका प्रवक्ता जगन्नाथ निरौलाका अनुसार काठमाडौँ-लुक्ला उडानका क्रममा टावरसँग अश्लिल शब्द बोल्ने अन्नपूर्ण हेलिकप्टरका एक पाइलटलाई ग्राउन्डेड गरिएको हो ।

“यही २१, मार्च २०२३ मा काठमाडौँबाट लुक्ला जाने क्रममा अन्नपूर्ण हेलिकप्टरका एक पाइलटले मिस कम्युनिकेशन गरेको हुनाले निजलाई ग्राउण्डेड गरिएकोछ”, प्रवक्ता निरौलाले भने ।

त्यसैगरी उडान सुरक्षा मापदण्ड उल्लङ्घन गर्ने थप दुई हेलिकप्टर कम्पनीका पाइलटलाई ग्राउण्डेड गरिएको छ । एयर डाइनेस्टी र फिस्टेल एयरका पाइलटले पोखरामा ‘प्याराग्लाइडिङ जोन’ भनी छुट्याएको एयरस्पेसमा हेलिकप्टर उडाएका थिए ।

यी तीनै जना पाइलटले अर्को सूचना जारी नभएसम्म हेलिकप्टर उडाउन पाउने छैनन् ।

प्रकाशित मिति: शुक्रबार, चैत १०, २०७९ ०७:२७

प्रतिक्रिया दिनुहोस्