जानकी गाउँपालिका ५ को कांग्रेस वडा भेला सम्पन्न

राजनीति

गृहपृष्ठ
राजनीति
जानकी गाउँपालिका ५ को कांग्रेस वडा भेला सम्पन्न

जानकी गाउँपालिका ५ को कांग्रेस वडा भेला सम्पन्न

शुक्रबार, चैत १०, २०७९ बागेश्वरी पोस्ट

जानकी (बाँके) । नेपाली कांग्रेस जानकी गाउँपालिका बाँके वडा नम्बर ५ को वडा भेला आज सम्पन्न भएको छ ।

वडा सभापति महङ्गु मनिहारको अध्यक्षतामा सम्पन्न वडा भेलामा बोल्दै महासमिति सदस्य लक्ष्मीनारायण शाहले वडा भेला आफैँमा महत्वपूर्ण भएको बताएका छन् । उनले जनतामुखी काम गरेमा मात्र आउँदो पाँच वर्षपछि पुन: नेपाली कांग्रेसलाई जिताउन सकिने धारणा व्यक्त गरे ।

शाहले त्यसका लागि क्रियाशील सदस्यहरु एक भएर पार्टी संगठनमा लाग्नुपर्ने समेत बताएका थिए ।

जानकी गाउँपालिकाका सभापति दयाराम यादवले पार्टीलाई सबैजना मिलेर आउने दिनहरुमा झनै मजबुत बनाएर अगाडि बढ्नुपर्नेमा जोड दिए ।

कार्यक्रममा नेपाली कांग्रेसका नेता तथा जानकी गाउँपालिकका अध्यक्ष छब्बन खाँले सम्पूर्ण जनताको खुशी र विकासको लागि आफूले पालिकाबाट नियम कानुनको परिधिमा रहेर गर्न सक्ने काम गर्ने धारणा व्यक्त गरे । वडा भेलामा स्वागत गाउँपालिकाका सचिव टिकानाथ यादव र संचालन नेपाली कांग्रेस बाँकेको जानकी गाउँपालिका वडा नम्बर ५ का सहसचिव मोहम्मद कपिल मनिहारले गरेका थिए ।

कार्यक्रममा स्थानीय क्रियाशील सदस्हरुको उपस्थिति रहेको थियो ।

प्रकाशित मिति: शुक्रबार, चैत १०, २०७९ १६:३९