प्रधानमन्त्री प्रचण्ड-देउवा-नेपालबीच मन्त्रालय बाँडफाँटबारे छलफल

राजनीति

गृहपृष्ठ
राजनीति
प्रधानमन्त्री प्रचण्ड-देउवा-नेपालबीच मन्त्रालय बाँडफाँटबारे छलफल

प्रधानमन्त्री प्रचण्ड-देउवा-नेपालबीच मन्त्रालय बाँडफाँटबारे छलफल

सोमबार, चैत १३, २०७९ बागेश्वरी पोस्ट

नेपालगन्ज । प्रधानमन्त्री पुष्पकमल दाहाल प्रचण्डले नेपाली कांग्रेस सभापति शेरबहादुर देउवा र नेकपा एकीकृत समाजवादीका अध्यक्ष माधवकुमार नेपालसँग मन्त्रालय बाँडफाँटबारे संयुक्त छलफल गरेका छन् ।

मन्त्रिपरिषद विस्तार गर्ने तयारी गरिरहँदा प्रधानमन्त्री प्रचण्ड कांग्रेस सभापति देउवासँग बिहान सवा ९ बजे र देउवा त्यहीँ रहेका बेला १० बजे माधव नेपाललाई बोलाएर संयक्त छलफल गरेका हुन् ।

प्रचण्ड र देउवाबीच ४५ मिनेट भएको वार्तापछि अध्यक्ष नेपाल पनि बालुवाटार पुगेका थिए । नेकपा एसले आन्तरिक रुपमा गृह मन्त्रालयलाई बटमलाइन बनाएपछि प्रचण्ड अप्ठेरोमा परेकाले अहिले संयुक्त छलफल गरेका हुन् ।

तर, बाहिर भने मिडियालाई माधवले गृह वा अर्थ वा परराष्ट्रमा आफूले दाबी नगरेको बताएका छन्। प्रधानमन्त्री प्रचण्डले मन्त्रीहरुको नाम चाँडै पठाउन देउवा र नेपाललाई आग्रह गरेका छन् ।

प्रकाशित मिति: सोमबार, चैत १३, २०७९ १२:०६

प्रतिक्रिया दिनुहोस्