मन्त्रिपरिषद विस्तारका लागि सत्ता गठबन्धनको बैठक बस्दै

राजनीति

गृहपृष्ठ
राजनीति
मन्त्रिपरिषद विस्तारका लागि सत्ता गठबन्धनको बैठक बस्दै

मन्त्रिपरिषद विस्तारका लागि सत्ता गठबन्धनको बैठक बस्दै

मंगलबार, चैत १४, २०७९ बागेश्वरी पोस्ट

फाइल फोटो

नेपालगन्ज । मन्त्रिपरिषद विस्तारका बारेमा छलफल गर्न सत्तारुढ गठबन्धनको बैठक आज अपरान्ह ४ बजे बस्दैछ ।

प्रधानमन्त्री पुष्पकमल दाहाल प्रचण्डले सत्ता साझेदार नेपाली कांग्रेसका सभापति शेरबहादर देउवा र नेकपा एकीकृत समाजवादीका अध्यक्ष माधवकुमार नेपालसँग सोमबार छलफल गरेपछि आज अपरान्ह ४ बजेका लागि बैठक बोलाएका हुन् ।

आज बस्ने बैठकमा मुख्यतः मन्त्रिपरिषद विस्तारका बारेमा छलफल हुनेछ । प्रधानमन्त्री प्रचण्ड नेतृत्वको सरकारमा कांग्रेस ८ वटा मन्त्रालयसहित सरकारमा जाने तयारी अवस्थामा छ भने अन्य साना दललाई कसरी ब्यवस्थापन गर्ने ? भन्ने बारेमा गठबन्धनको बैठकमा छलफल हुनेछ ।

गठबन्धनका सबैजसोले सरकारमा जाने इच्छा देखाएपछि प्रचण्डलाई तनाव थपिएको छ । प्रचण्डले यसअघि चैत १० गतेभित्रै मन्त्रिमण्डलले पूर्णता पाउने दाबी गरेका थिए । त्यसपछि भाका १३ गते सोमबारसम्मलाई पुगेको थियो ।

अहिलेसम्मको गतिविधि हेर्दा अझै केही दिन मन्त्रिमण्डलले पूर्णता पाउने देखिँदैन । गठबन्धनका एक नेताका अनुसार प्रचण्ड पछिल्ला समय समस्या समाधान गर्नु भन्दा पनि धेरै भन्दा धेरै कार्यक्रममा उद्घाटन, विमोचन, शिलान्यास र समापनमा बढी केन्द्रीत भएका छन् । जसका कारण उनलाई मन्पित्ररिषद् विस्तार गर्ने फुर्सद समेत मिलेको छैन ।

त्यसैगरी दलहरुबीच आन्तरिक रस्साकस्सी पनि उत्तिकै बढेको छ । कुनै पनि दलले अहिलेसम्म सरकारमा पठाउने सांसदहरुको नामको टुंगो लगाएका छैनन् । त्यतिमात्र हैन कुन दलले कति मन्त्रालय र कुन कुन मन्त्रालय पाउने भन्नेसमेत यकिन भएको छैन ।

प्रकाशित मिति: मंगलबार, चैत १४, २०७९ ०९:४०

प्रतिक्रिया दिनुहोस्