मन्त्रालय भागबन्डाका बारे सत्ता गठबन्धनको बैठक बालुवाटारमा जारी

राजनीति

गृहपृष्ठ
राजनीति
मन्त्रालय भागबन्डाका बारे सत्ता गठबन्धनको बैठक बालुवाटारमा जारी

मन्त्रालय भागबन्डाका बारे सत्ता गठबन्धनको बैठक बालुवाटारमा जारी

मंगलबार, चैत १४, २०७९ बागेश्वरी पोस्ट

नेपालगन्ज । सत्ता गठबन्धनको मन्त्रिपरिषद विस्तारका बारेमा छलफल गर्न बैठक आज अपरान्ह ४ बजेदेखि प्रधानमन्त्रीको सरकारी निवास बालुवाटारमा सुरु भएको छ।

बैठकमा प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा, नेकपा एकीकृत समाजवादीका अध्यक्ष माधवकुमार नेपाल, जनमत पार्टीका अध्यक्ष सिके राउत, नागरिक उन्‍मुक्ति पार्टीकी अध्यक्ष रञ्जिता श्रेष्ठ, नेपाल समाजवादी पार्टीका अध्यक्ष बाबुराम भट्टराईलगायत सत्ता गठबन्धन दलका शीर्ष नेता सहभागी छन्।

साथै बैठकमा लोसपा अध्यक्ष महन्थ ठाकुर, जसपा वरिष्ठ नेता राजेन्द्र श्रेष्ठ, राष्ट्रिय जनमोर्चाका अध्यक्ष चित्रबहादुर केसी, आम जनता पार्टीका अध्यक्ष प्रभु शाहलगायत पनि बैठकमा सहभागी छन्।

बैठकमा मुख्यतः मन्त्रिपरिषद विस्तारका बारे र सरकारका न्यूनतम साझा कार्यक्रमबारे छलफल भइरहेको छ । प्रधानमन्त्री प्रचण्ड नेतृत्वको सरकारमा कांग्रेस ८ वटा मन्त्रालयसहित सरकारमा जाने तयारी अवस्थामा छ भने अन्य साना दललाई कसरी ब्यवस्थापन गर्ने रु भन्ने बारेमा गठबन्धनको बैठकमा छलफल हुनेछ ।

गठबन्धनका सबैजसोले सरकारमा जाने इच्छा देखाएपछि प्रचण्डलाई तनाव थपिएको छ । प्रचण्डले यसअघि चैत १० गतेभित्रै मन्त्रिमण्डलले पूर्णता पाउने दाबी गरेका थिए ।अहिलेसम्मको गतिविधि हेर्दा अझै केही दिन मन्त्रिमण्डलले पूर्णता पाउने देखिँदैन ।

त्यसैगरी दलहरुबीच आन्तरिक रस्साकस्सी पनि उत्तिकै बढेको छ । कुनै पनि दलले अहिलेसम्म सरकारमा पठाउने सांसदहरुको नामको टुंगो लगाएका छैनन् । त्यतिमात्र हैन कुन दलले कति मन्त्रालय र कुन कुन मन्त्रालय पाउने भन्नेसमेत यकिन भएको छैन ।

प्रकाशित मिति: मंगलबार, चैत १४, २०७९ १७:४४