मन्त्रालय भागबन्डा बारे बसेको सत्ता गठबन्धनको बैठक बिना निष्कर्ष टुंगियो

राजनीति

गृहपृष्ठ
राजनीति
मन्त्रालय भागबन्डा बारे बसेको सत्ता गठबन्धनको बैठक बिना निष्कर्ष टुंगियो

मन्त्रालय भागबन्डा बारे बसेको सत्ता गठबन्धनको बैठक बिना निष्कर्ष टुंगियो

मंगलबार, चैत १४, २०७९ बागेश्वरी पोस्ट

नेपालगन्ज । आज अपराह्नदेखि मन्त्रालय भागबन्डा बारे सहमति गर्न प्रधानमन्त्रीको सरकारी निवास बालुवाटारमा बसेको सत्ता गठबन्धनको बैठक बिना निष्कर्ष टुंगिएको छ।

बैठकमा मन्त्रालयको बारेमा भागबण्डा नमिलेपछि बैठक निष्कर्षविहीन बनेको हो। बैठक भोलि बिहान पुनः ९ बजे बसेर सहमति जुटाउन प्रयास गरिने एक कांग्रेसका नेताले बताए।

बैठकमा प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा, नेकपा एकीकृत समाजवादीका अध्यक्ष माधवकुमार नेपाल, जनमत पार्टीका अध्यक्ष सिके राउत, नागरिक उन्‍मुक्ति पार्टीकी अध्यक्ष रञ्जिता श्रेष्ठ, नेपाल समाजवादी पार्टीका अध्यक्ष बाबुराम भट्टराईलगायत सत्ता गठबन्धन दलका शीर्ष नेता सहभागी थिए।

त्यस्तै उक्त बैठकमा लोसपा अध्यक्ष महन्थ ठाकुर, जसपा वरिष्ठ नेता राजेन्द्र श्रेष्ठ, राष्ट्रिय जनमोर्चाका अध्यक्ष चित्रबहादुर केसी, आम जनता पार्टीका अध्यक्ष प्रभु शाहलगायत पनि बैठकमा सहभागी थिए।

प्रकाशित मिति: मंगलबार, चैत १४, २०७९ १८:४२