मन्त्रालय भागबन्डामा सत्ता साझेदारको आफ्नै अडान, कांग्रेसको ८ देखि ९ मन्त्रालय दाबी

राजनीति

गृहपृष्ठ
राजनीति
मन्त्रालय भागबन्डामा सत्ता साझेदारको आफ्नै अडान, कांग्रेसको ८ देखि ९ मन्त्रालय दाबी

मन्त्रालय भागबन्डामा सत्ता साझेदारको आफ्नै अडान, कांग्रेसको ८ देखि ९ मन्त्रालय दाबी

मंगलबार, चैत १४, २०७९ बागेश्वरी पोस्ट

नेपालगन्ज । सत्ता गठबन्धन दलले मन्त्रालय भागबन्डामा आ-आफ्नै अडान राखेका छन् ।

आज प्रधानमन्त्रीको सरकारी निवास बालुवाटारमा बसेको सत्ता गठबन्धनको बैठकमा सबैभन्दा ठुलो दल नेपाली कांग्रेसले ८ देखि ९ वटा मन्त्रालय माग गरेको छ । बैठकमा कांग्रेसले ९ वटा मन्त्रालय पाउनुपर्ने दाबी पेश गरेको हो ।

बैठकमा जनता समाजवादी पार्टी (जसपा) र नेकपा एकीकृत समाजवादीले ३–३ वटा मन्त्रालयमा आफ्नो दाबी पेश गरेका छन् । यस्तै लोसपाले २ वटा मन्त्रालय माग गरेको छ ।

बैठकमा आज दाबी प्रस्तुत गर्ने कार्य मात्रै भएको र भोलि बिहान थप छलफल गरेर सहमतिमा पुग्ने गरी आजको बैठक सकिएको गठबन्धनका एक नेताले बताए ।

प्रधानमन्त्री प्रचण्डले कांग्रेसलाई ८, माओवादी केन्द्रलाई ५ मन्त्रालय दिने गरी भागबन्डा मिलाउनुपर्ने कुरा बैठकमा राखेका थिए ।

प्रकाशित मिति: मंगलबार, चैत १४, २०७९ १९:३७

प्रतिक्रिया दिनुहोस्