मन्त्रालय भागबन्डा बारे सत्ता गठबन्धनको बैठक बालुवाटारमा जारी

राजनीति

गृहपृष्ठ
राजनीति
मन्त्रालय भागबन्डा बारे सत्ता गठबन्धनको बैठक बालुवाटारमा जारी

मन्त्रालय भागबन्डा बारे सत्ता गठबन्धनको बैठक बालुवाटारमा जारी

बुधबार, चैत १५, २०७९ बागेश्वरी पोस्ट

फाइल फोटो

नेपालगन्ज । सत्ता गठबन्धनको आज बिहान देखि मन्त्रालय भागबन्डा बारे सहमति गर्न प्रधानमन्त्रीको सरकारी निवास बालुवाटारमा बसेको सत्ता गठबन्धनको बैठक पुन: जारी छ।

सत्ता गठबन्धनबाट पार्टीका शिर्ष नेताहरु बैठकमा सहभागी छन् । नेपाली कांग्रेसलाई ८ देखि ९ , माओवादी केन्द्रलाई ५, राष्ट्रिय स्वतन्त्र पार्टीलाई ३, एकीकृत समाजवादीलाई २, जनता समाजवादी पार्टीलाई २, जनमत पार्टीलाई १, नागरिक उन्मक्ति पार्टीलाई १, लोसपालाई १ मन्त्रालयका साथै स्वतन्त्रबाट १ जनालाई मन्त्री बनाउने प्रस्ताव प्रधानमन्त्रीले राखेपनि मंगलबारको बैठक बिना निष्कर्ष टुंगिएपछि अहिले बैठक बसिरहेको छ।

मंगलबारको बैठकमा प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा, नेकपा एकीकृत समाजवादीका अध्यक्ष माधवकुमार नेपाल, जनमत पार्टीका अध्यक्ष सिके राउत, नागरिक उन्‍मुक्ति पार्टीकी अध्यक्ष रञ्जिता श्रेष्ठ, नेपाल समाजवादी पार्टीका अध्यक्ष बाबुराम भट्टराई, लोसपा अध्यक्ष महन्थ ठाकुर, जसपा वरिष्ठ नेता राजेन्द्र श्रेष्ठ, राष्ट्रिय जनमोर्चाका अध्यक्ष चित्रबहादुर केसी, आम जनता पार्टीका अध्यक्ष प्रभु शाहलगायत पनि बैठकमा सहभागी भएपनि बिना निष्कर्ष टुंगिएको थियो।

सत्ता गठबन्धनका दलहरू मन्त्रालयको भागबण्डा मिलाउन आज बिहानदेखि एकै ठाउँ जुटेका छन् ।

प्रकाशित मिति: बुधबार, चैत १५, २०७९ १०:२५

प्रतिक्रिया दिनुहोस्