सरकारकै कारण मिटरब्याज पीडितहरु सुकुम्बासी बन्ने अवस्थामा: सांसद पौडेल

राजनीति

गृहपृष्ठ
राजनीति
सरकारकै कारण मिटरब्याज पीडितहरु सुकुम्बासी बन्ने अवस्थामा: सांसद पौडेल

सरकारकै कारण मिटरब्याज पीडितहरु सुकुम्बासी बन्ने अवस्थामा: सांसद पौडेल

बुधबार, चैत १५, २०७९ बागेश्वरी पोस्ट

नेपालगन्ज । मिटरब्याज पीडितहरु सरकारकै कारणले गर्दा सुकुम्बासी बन्ने अवस्थासम्म पुगेको नेपाली कांग्रेसका सांसद प्रदीप पौडेलले बताएका छन् ।

सांसद पौडेलले आज प्रतिनिधिसभा बैठकमा बोल्दै मिटरब्याज पीडितसँग सरकारले गरेको सहमति कार्यान्वयन गर्न सरकार आफैं उदासिन बन्नाले पीडितहरू सुकुम्बासी बन्ने अवस्थामा पुगेको बताएका हुन् ।

मिटरब्याजलाई गम्भीर आर्थिक अपराधको रूपमा सरकार आफैँले स्वीकार गरिसकेको तर महिनौ‌ंसम्म कानुनको मस्यौदा गृह मन्त्रालयमा अड्किँदा साहु महाजनले छलकपट गरी धमाधम किसानको जग्गा लिलामी गरिरहेको पौडेलले बताए ।

'यसले गर्दा दैनिक भूमिहिन हुने किसानहरुको संख्या झन बढिरहेको छ । सरकारले आफैं सुकुम्बासी उत्पादन गरेको जस्तो देखिएको छ,’ उनले भने ।

सांसद पौडेलले पीडितहरू मिटरब्याजको पैसा तिर्न साहु महाजनकै योजनामा लागूऔषध कारोबार गरेर जेलमा परेको घटनासम्म सार्वजनिक भएको बताउँदै सरकारलाई संवेदनशील हुन आग्रह गरे ।

मिटरब्याजी साहु महाजन र तिनका आसेपासेले पीडित महिलामाथि यौन शोषण गरेका घटनाहरु समेत सुन्नमा आएको बताउँदै सांसद पौडेलले मिटरब्याज पीडितको समस्या यथाशिघ्र सामाधान गर्न सरकारको ध्यानाकर्षण गराएका छन् ।

प्रकाशित मिति: बुधबार, चैत १५, २०७९ १५:२९

प्रतिक्रिया दिनुहोस्