ककस प्रकरण:'चुन्ना' प्रती मतदाताको आक्रोश

राजनीति

गृहपृष्ठ
राजनीति
ककस प्रकरण:'चुन्ना' प्रती मतदाताको आक्रोश

ककस प्रकरण:'चुन्ना' प्रती मतदाताको आक्रोश

बुधबार, माघ ८, २०७६ बागेश्वरी पोस्ट

ललित रौनियार ककसमा

नेपालगन्ज । धेरैजसो ब्यबसायीहरु( मतदाता) ले समावेशी प्यानलका अध्यक्षका उम्मेदवार अव्दुल वाहिद मन्सुरी (चुन्ना) प्रती शंका ब्यक्त गर्दै आक्रोश पोख्न थालिसकेका छन् ।

चुन्ना ककसमा उपस्थित नहुनुले धेरैले धेरै कोणबाट अर्थयाउन थालेका छन् । नेपालगन्ज जुनियर जेसिसले नेपालगञ्ज उद्योग वाणीज्य संघमा प्रतिष्पर्धी दुवै प्यानलका अध्यक्षहरुलाई निम्तयाएको थियो । जेसीसले यस अघि पनि यस्तै कार्यक्रम गर्दै आएको थियो । आफ्ना चुनावी एजेण्डा र मतदाताहरुको प्रश्नको जवाफ दिन दुवै अध्यक्ष पदका उम्मेदवारलाई औपचारिक निम्तो दिइएपनि आउने बाचा गरेका चुन्ना आखिर किन आएनन् ?

अहिले मतदाताको मनमा जिज्ञाशासँगै अनेकन शंका समेत उव्जीएका छन् । साामाजिक संस्थाका रुपमा स्थापीत जेसीस जस्तो संस्थाको कार्यक्रममा उपस्थित नहुनुले आयोजक मात्र हैन, उद्योगी व्यवसायी र आममतदातालाई पनि चुन्नाले विश्वासघात गरेको प्रतिक्रिया आएको छ ।

जव की साझा प्रजातान्त्रिक उद्योगी व्यबसायीका अध्यक्षका प्रत्यासी ललीत रौनियार सोही कार्यक्रममा निर्धक्कका साथ मतदाताको प्रश्न सुन्ने र दमदार तरिकाले जवाफ दिए । अध्यक्षका प्रत्यासीलाई प्रत्यक्ष सवाल गर्न र जवाफ पाउन आतुर मतदाता चुन्ना नआएपछि निराश मात्र भएनन्, सीमीत मतदातामाझ समेत प्रस्तुत हु्न नसक्नेले व्यवसायिक हकहितका सवाल र मुद्धालाई कसरी उठान गर्लान र ? भन्ने प्रतिक्रिया समेत व्यक्त गरिरहेका छन् ।

यति मात्रै होइन्, अहिले यस्तो कार्यक्रममा उपस्थित हुन नसक्ने चुन्नाले भोलि कसरी संगठन हाक्न सक्छन् भनेर धेरैजसो ब्यबसायीहरुले आलोचना गर्न थालिसकेका छन् । सार्वजनिक समारोह र मिडीयामा बोल्न समेत नसक्ने आरोप खेपीरहेका चुन्ना उक्त कार्यक्रममा उपस्थित नहुनुले त्यसलाई थप पुष्टि गरेको छ ।

मतदातामाझ अन्तरक्रिया गर्न नआउनु भनेको समावेशी प्यानल र चुन्नाकोे मनोवल खस्किदै गएको प्रमाणित गर्नु सरह हो –प्रत्यक्ष सहभागी एक जना ब्यबसायी सनत बुढाले भने ।यति मात्रै होईन,५ जना अगाडी उभिएर बोल्न नसक्नेले चुन्ना के संगठन हाक्छन् ? ब्यबसायीहरु बताउछन् । ब्यबसायीहरुले मात्रै होइनन् कार्यक्रममा उपस्थित सबै नै यस बारेमा छर्लङ्ग भएका छन् ।

प्रकाशित मिति: बुधबार, माघ ८, २०७६ १४:३९