मन्त्री छान्दै देउवा, नेताहरुबीच व्यक्तिगत रस्साकस्सी

राजनीति

गृहपृष्ठ
राजनीति
मन्त्री छान्दै देउवा, नेताहरुबीच व्यक्तिगत रस्साकस्सी

मन्त्री छान्दै देउवा, नेताहरुबीच व्यक्तिगत रस्साकस्सी

बिहीबार, चैत १६, २०७९ बागेश्वरी पोस्ट

फोटो फाइल

नेपालगन्ज । नेपाली कांग्रेसको केन्द्रीय कार्यसम्पादन समितिले मन्त्री छान्ने जिम्मा सभापति शेरबहादुर देउवालाई दिएको छ ।

जिम्मेवारी पाएर सभापति देउवाले कांग्रेसको भागमा परेको ८ मन्त्रालयका लागि मन्त्री छान्दैछन। आजै मन्त्रिपरिषद बिस्तार हुने हुँदा देउवालाई मन्त्री छान्न समेत सकस बन्दै गएको छ ।

देउवालाई यतिबेला नेताहरुले दबाब दिइरहेका छन् । संस्थापन इतर पक्षबाट डा. शेखर कोइरालाले शुरुआतमै भेटेर दबाब दिएका छन् । उनले यसअघि नै नाम बुझाइसका थिए ।

देउवा निवास धुम्बाराही स्रोतका अनुसार कोइरालालाई दुई वटा मन्त्रालय दिने पक्का भइसकेको छ । तर, कोइरालाले चार वटा पाउनुपर्ने भन्दै दबाब दिइरहेका छन्।

व्यक्तिगत तबरबाटसमेत नेताहरुले आफू मन्त्री बन्न पाउनु पर्ने भन्दै अडान राखिरहेका छन् । व्यक्तिगत रुपमै नेताहरुबीच रस्साकस्सी भएको छ ।

प्रकाशित मिति: बिहीबार, चैत १६, २०७९ १४:२७