स्वास्थ्य नीति बनाउँदा अपाङ्गता भएका व्यक्तिलाई अनिवार्य गर्न माग

समाचार

गृहपृष्ठ
समाचार
स्वास्थ्य नीति बनाउँदा अपाङ्गता भएका व्यक्तिलाई अनिवार्य गर्न माग

स्वास्थ्य नीति बनाउँदा अपाङ्गता भएका व्यक्तिलाई अनिवार्य गर्न माग

बुधबार, माघ ८, २०७६ बागेश्वरी पोस्ट

नेपालगन्ज ।अपाङ्गता सम्बन्धी वा अन्य सबै प्रकारका नीति नियम तथा कानुन बनाउदा सम्बद्ध सरोकारवालाहरुले अपाङ्गता भएका व्यक्तीहरुलाई समावेश गर्न सुझाव दिएका छन् ।

बुधवार नेपालगन्जमा आयोजित शिक्षा, स्वास्थ्य, रोजगार दृष्टिविहीन युवाहरुको अधिकार सम्बन्धी अध्ययन प्रतिवेदन एंव अभिमुखिकरण कार्यक्रममा बोल्ने सहभागीहरुले स्वास्थ्य सम्वन्धी नीति बनाउदा त झन अपाङ्गता भएका व्यक्तिहरुको परामर्श र प्रत्यक्ष उपस्थितिमा मात्र गराइनु पर्ने बताए ।

नेत्रहिन युवा संघ काठमाडौंले बाँके शाखासँग समन्वय गरेर आयोजना गरेको उक्त अभिमुखिकरण कार्यक्रममा परियोजनाका पैरवी अधिकृत अनिता सिग्देलले अपाङ्गता भएका किशोर किशोरी र युवाहरुको प्रजनन् स्वास्थ्य सम्बन्धी बन्ने नीतिहरुमा अपाङ्गता भएका व्यक्तिहरुले सहभागीता सुनिश्चित गर्नुपर्ने, उनीहरुका समस्या पहिचान गर्ने उद्देश्य रहेको वताउनुभयो ।

नेत्रहीन युवा संघ बाँकेका अध्यक्ष लक्ष्मी प्रसाद लामिछानेको सभापतित्वमा भएको कार्यक्रममा केन्द्रीय सदस्य रीता खड्का, परियोजना संयोजक सरोजा श्रेष्ठ, राष्ट्रिय अपाङ्ग महासंघका केन्द्रीय सचिव भावुक जंग थापा, शिक्षा विकास समन्वय इकाई बाँकेका प्रमुख रामसुरेश यादव, स्वास्थ्य कार्यालयका अंगत शाहीलगायतले आ–आफ्नो धारणा राख्नुभएको थियो ।

प्रकाशित मिति: बुधबार, माघ ८, २०७६ १५:१८

प्रतिक्रिया दिनुहोस्